site
stats
پاکستان

گوادر بندرگاہ پر تیل صاف کرنے کا کارخانہ قائم کرنا چاہتے ہیں، عراقی سفیر

اسلام آباد: وزیر بندگاہ اور جہاز رانی میر حاصل بزنجو اور عراقی سفیر ڈاکٹر علی یاسین کی ملاقات ہوئی جس میں دو طرفہ تعاون اورعراق جانے والے پاکستانی زائرین کے لیے کشتی کی ممکنہ سروس پر بھی تبادلہ خیال گیا گیا۔

تفصیلات کے مطابق  بندرگاہوں اور جہاز رانی کے وزیر میر حاصل بزنجو اور عراقی سفیر ڈاکٹرعلی یاسین سے ملاقات میں دوطرفہ تعاون اور عراق میں پاکستانی زائرین کیلئے کشتی کی ممکنہ سروس پر بھی تبادلہ خیال کیا گیا۔

اس موقع پرعراقی سفیر نے خواہش ظاہر کی کہ گوادر بندرگاہ پر تیل صاف کرنے کا کارخانہ قائم کرنا چاہتے ہیں تاکہ پاک چین اقتصادی راہداری کے منصوبے اور پاک و عراق تعلقات مزید مضبوط ہوں۔


پڑھیں: گوادر پورٹ : کارگو کنٹینرز جہاز مشرق وسطیٰ اور افریقی ممالک روانہ


خیال رہے ہر سال پاکستانی شیعہ زائرین ہزاروں کی تعداد میں عراق جاتے اور مقدس مقامات کی زیارت کرتے ہیں۔ واضح رہے رواں ماہ چین کے تعاون سے بلوچستان کے علاقے گوادر میں تعمیر کی گئی بندر گاہ  کا باقاعدہ آغاز ہوگیا ہے۔  جس کے بعد یہاں سے مال خلیجی اور دنیا بھر کی عالمی منڈیوں میں بھیجا جارہا ہے۔
Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top