site
stats
پاکستان

داعش دہشتگردتنظیم ہے، پاکستان کا دشمن عراق کا دشمن، عراقی سفیر

اسلام آباد : عراقی سفیر علی یاسین محمد کریم نے کہا ہے کہ داعش بین الاقوامی دہشتگرد تنظیم ہے، پاکستان کا دشمن عراق کا دشمن ہے، سعودی عرب اور قطر کے تنازع میں عراق غیر جانبدار رہے گا، پاکستان کی غیر جانبداری کی پالیسی مناسب ہے۔

اسلام آباد عراقی سفارت خانے میں پریس کانفرنس سے خطاب عراقی سفیر کا کہنا تھا کہ داعش ایک خطرناک ترین بین الاقوامی تنظیم ہے، جس نے موصل پر 10 جون 2015 میں قبضہ کیا، عراقی عوام نے مذ ہب، نسل اور فرقہ سے بالا تر ہو کر داعش کو شکست دینے میں مدد کی، داعش کے دہشت گرد دنیا میں ایک سو سے زائد ممالک سے تعلق رکھتے تھے۔

انہوں نے کہا کہ عراقی مزہبی قیادت و مجتہدین نے بھی داعش کے خلاف فتوی دیا، کرد، حشد الشعبی، سنی قبایل نے مل کر داعش کے خلاف جنگ لڑی، داعش نے انسانوں کو انسانی ڈھال کے طور پر استعمال کی اور ہزاروں عراقیوں کا قتل عام کیا ۔

عراقی سفیر کا کہنا تھا کہ اب ایک فیصد داعش موجود ہے، صرف موصل ہی نہیں دیگر کئی شہروں میں بھی داعش موجود ہے، داعش کے خلاف جنگ میں ہمارے ہمسایہ ممالک نے ہماری بہت مدد کی، پاکستان نے بھی اس لڑائی میں ہمارا ساتھ دیا، پاکستان کا دشمن عراق کا دشمن ہے۔

علی یاسین محمد کریم نے مزید کہا کہ پاکستان اور عراق کا انٹیلی جنس کا تعاون موجود ہے، ہمارے ہوا بازوں کو یہاں پاکستان میں تربیت دی گئی، جس میں حشد الشعبی میں مسلم اور غیر مسلم دونوں شامل ہیں، حسد الشعبی کو عراقی قومی افواج میں شامل کیا جائے گا۔

قطر اور خلیجی ممالک کے تنازع کے حوالے سے عراقی سفیر کا کہنا تھا کہ سعودی عرب اور قطر کے تنازع میں عراق غیر جانبدار رہے گا، پاکستان کی غیر جانبداری کی پالیسی مناسب ہے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top