بغداد : اسرائیل کی حمایت اور اورحماس کی مذمت پر عراقی ملکہ حسن سارہ کی شہریت منسوخ کرنے اور ملک سے نکال باہر کرنے کا مطالبہ کردیا۔
تفصیلات کے مطابق عراق کی ملکہ حسن سارہ عیدان ان دنوں عراق کے عوامی، سیاسی اور ابلاغی حلقوں میں سخت تنقید کی زد میں ہیں۔
ان پر تنقید کی لہر حال ہی میں ان کی طرف سے اسرائیل کی پر جوش حمایت اور فلسطینی تنظیم حماس کی شدید مذمت کے بعد سامنے آئی اور سارہ کے مخالفین اور ناقدین نے ان کی عراقی شہریت منسوخ کرنے اور ملک سے نکال باہر کرنے کا مطالبہ کیا ہے۔
عر ب ٹی وی کے مطابق سارہ عیدان نے سنہ 2017ءکی ایک تصویر دوبارہ پوسٹ کی تھی، جس میں اس نے اسرائیل کی حمایت کی تھی۔
اس ٹویٹ کے بعد سارہ نے لکھا کہ دو ہفتے قبل عراقی حکومت نے اقوام متحدہ میں میرے بیان کے بعد میری زبان بند کرنے کی کوشش شروع کی ہے، جیسا کہ مجھے اظہار رائے کا کوئی حق نہیں۔ اب یہ لوگ میری شہریت کے درپے ہیں، یہ ایک غیر انسانی اقدام ہوگا اور میں اب کھل کر بات بھی نہیں کرسکتی۔
2 weeks ago Iraq denied my statements at the UN that I don’t have freedom to speak about Israel now they’re taking my citizenship. This is inhumane. I’m speechless… https://t.co/dzAQGQdPmq
— Sarai (Sarah Idan) Miss Iraq (@RealSarahIdan) July 9, 2019
سارہ عیدان نے چند روز قبل جنیوا میں ہونے والے انسانی حقوق کونسل کے اجلاس میں اسرائیل کی حمایت اور فلسطینی تنظیم حماس کی مخالفت اور اس کی پالیسیوں کی مذمت کی تھی۔
سارہ نے کہا تھا کہ عراقی حکومت مجھے تحفظ دینے کے بجائے مجھے قتل کی دھمکیاں دینے پر خاموش تماشائی بنی ہوئی ہے، میرا جرم صرف یہ ہے کہ ذرائع ابلاغ میں میری تصویر اسرائیل کی ملکہ حسن کے ساتھ شائع ہوئی تھی۔