کابل: افغان دار الحکومت کابل میں عراقی سفارتخانے کے قریب خودکش دھماکہ اور فائرنگ کی گئی۔ حملہ آوروں نے سفارتخانے کو نشانہ بنانے کی کوشش کی تاہم حملہ آوروں کو ہلاک کردیا گیا۔
ترجمان افغان وزارت دفاع کے مطابق کابل کے علاقے شہرِ نو میں واقع عراقی سفارتخانے کو 4 دہشت گردوں نے نشانہ بنانے کی کوشش کی۔
Suicide Bomb Attack Near Iraqi Embassy In #Afghanistan Capital #Kabul . #ISIS Claims Responsibility. No Casualties Reported. #Prayers pic.twitter.com/Nabg7jrfkm
— Sir Ravindra Jadeja (@SirRvindrJadeja) July 31, 2017
حملہ آوروں نے عمارت میں داخل ہونے کی کوشش کی جس میں ناکامی کے بعد 1 حملہ آور نے خود کو دھماکے سے اڑا لیا۔ اس دوران فائرنگ کا سلسلہ بھی مستقل جاری رہا۔
ترجمان کا کہنا تھا کہ عمارت میں موجود افراد کو محفوظ مقام پر منتقل کردیا گیا ہے۔
حملے کے بعد سیکیورٹی فورسز نے فوری طور پر جوابی کارروائی کی۔ فورسز اور حملہ آوروں کے درمیان جھڑپ 4 گھنٹے تک جاری رہی جس کے بعد فورسز 3 حملہ آوروں کو ہلاک کرنے میں کامیاب رہیں۔
#Iraqi Embassy Siege Ends After #Attackers Killed https://t.co/ldnOeuN9aD pic.twitter.com/EhFBqBFb21
— TOLOnews (@TOLOnews) July 31, 2017
افغان میڈیا کے مطابق شدت پسند دہشت گرد تنظیم داعش نے حملے کی ذمہ داری قبول کرلی ہے۔