پاکستان اور آئرلینڈ ٹیسٹ میچ کا پہلا روز بارش کی نذر Ireland v Pakistan
The news is by your side.

Advertisement

پاکستان اور آئرلینڈ ٹیسٹ میچ کا پہلا روز بارش کی نذر

ڈبلن: پاکستان اور آئرلینڈ کے درمیان کھیلے جانے والے ٹیسٹ میچ کا پہلا روز بارش کی نذر ہوگیا۔

تفصیلات کے مطابق محکمہ موسمیات نے 14 مئی تک بارش کی پیشگوئی کی ہے، میچ پاکستانی وقت کے مطابق سہ پہر 3 بجے شروع ہونا تھا تاہم بارش کی وجہ سے ٹاس بھی ممکن نہ ہوسکا۔

ٹیسٹ اسٹیٹس ملنے کے بعد آئرلینڈ کی ٹیم اپنا پہلا ٹیسٹ میچ پاکستان کے خلاف کھیل رہی ہے، قومی ٹیم کے کپتان سرفراز احمد کا کہنا تھا کہ آئرلینڈ کو آسان حریف تصور نہیں کریں گے، جیت کے لیے پر عزم ہیں۔

آئرلینڈ کے خلاف 15 رکنی قومی اسکواڈ میں کپتان سرفراز احمد، بابر اعظم، اظہر علی، اسد شفیق، فہیم اشرف، فخر زمان، حارث سہیل، امام الحق، محمد عامر، محمد عباس، سعد علی، راحت علی، شاداب خان، سمیع اسلم، عثمان صلاح الدین شامل ہیں۔

بارش کے باعث ٹیسٹ کے لیے حتمی الیون کا اعلان بھی نہ کیا جاسکا تاہم فہیم اشرف اور امام الحق کو ٹیسٹ کیپ دئیے جانے کا امکان ہے جبکہ سرفراز الیون پانچ بولر آزمانے کا ارادہ رکھتی ہے۔

واضح رہے کہ آئرلینڈ نے ون ڈے میں انگلینڈ سمیت کئی بڑی ٹیموں کوشکست دی جس نے ٹیسٹ اسٹیٹس کے حصول کی منزل آسان بنائی۔ تاہم اپنا پہلا ٹیسٹ میچ جیتنا اتنا بھی کبھی آسان نہیں رہا، نیوزی لینڈ کو چھبیس سال اور پینتالیس ٹیسٹ کھیلنے پڑے جب کہ بنگلہ دیش کو زمبابوے کے خلاف اپنا پہلا ٹیسٹ جیتنے کے لیے چونتیس ٹیسٹ کھیلنے پڑے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں