ممبئی(23 فروری 2026): جنوبی افریقہ کے خلاف بھارتی ٹیم کی مایوس کن کارکردگی اور ورلڈ کپ میں بیٹنگ لائن کی مسلسل ناکامی پر سابق مایہ ناز آل راؤنڈر عرفان پٹھان نے سخت ردِعمل کا اظہار کیا ہے۔
عرفان پٹھان نے سوشل میڈیا پلیٹ فارم ایکس (ٹویٹر) پر اپنے بیان میں کہا کہ بھارتی ٹیم کی آج کی کارکردگی انتہائی مایوس کن رہی۔ انہوں نے جنوبی افریقی باؤلرز کی تعریف کرتے ہوئے کہا کہ افریقی باؤلرز نے بھارتی بیٹنگ لائن کی خامیوں کو بے نقاب کر دیا ہے۔
عرفان پٹھان کے مطابق صرف آج کا میچ ہی نہیں بلکہ پورے ورلڈ کپ کے دوران بھارتی بیٹنگ لائن مشکلات کا شکار رہی ہے، جو کہ ٹیم کے لیے ایک سنگین مسئلہ بن چکا ہے۔
انہوں نے اس بات پر زور دیا کہ یہ کوئی وقتی ناکامی نہیں بلکہ ایک ایسا سلسلہ ہے جو ٹورنامنٹ کے آغاز سے ہی ٹیم انڈیا کے ساتھ چل رہا ہے، سابق آل راؤنڈر نے تسلیم کیا کہ پروٹیز باؤلرز نے جس نظم و ضبط کے ساتھ باؤلنگ کی، بھارتی بلے باز اس کا دباؤ برداشت نہ کر سکے۔
Really disappointing performance from Team India today. The batting struggles were exposed by South African bowlers, but honestly, this has been a recurring issue throughout the World Cup.
— Irfan Pathan (@IrfanPathan) February 22, 2026
عرفان پٹھان کے اس ٹویٹ نے بھارتی کرکٹ حلقوں میں نئی بحث چھیڑ دی ہے۔ مداحوں اور تجزیہ کاروں کا کہنا ہے کہ اگر ٹاپ آرڈر اور مڈل آرڈر کی یہی صورتحال رہی تو بھارت کے لیے ٹورنامنٹ میں آگے بڑھنا مشکل ہو جائے گا۔
یاد رہے کہ اس سے قبل وکرانت گپتا جیسے سینئر صحافیوں نے بھی ابھیشیک شرما اور تلک ورما جیسے نوجوان کھلاڑیوں کی دباؤ میں کھیلنے کی صلاحیت پر سوالات اٹھائے تھے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں