کینسر سے لڑنے والے اداکارعرفان خان کس حال میں ہیں؟ تصویر سامنے آگئی Irrfan Khan
The news is by your side.

Advertisement

کینسر سے لڑنے والے اداکارعرفان خان کس حال میں ہیں؟ تصویر سامنے آگئی

ممبئی: بالی ووڈ کے معروف اداکار عرفان خان کینسر کے موذی مرض میں مبتلا ہونے کے بعد سے لندن میں علاج کے لیے موجود ہیں، عرفان خان کی نئی تصویر سامنے آئی ہے جس میں وہ خوش دکھائی دے رہے ہیں۔

بالی ووڈ اداکار عرفان کے نے سماجی رابطے کی ویب سائٹ ٹویٹر پر اپنی مسکراتی ہوئی تصویر شیئر کی ہے اور ساتھ ہی کہا ہے کہ ’میں بیماری کی وجہ سے پریشان نہیں ہوں بلکہ خوش ہوں اور علاج کی غرض سے یہاں موجود ہوں۔

قبل ازیں زندگی کی جنگ لڑتے بالی ووڈ اداکار عرفان خان نے مداحوں کے نام کھلا خط لکھا تھا، خط میں عرفان خان نے بیماری اور خوف کا ذکر کرتے ہوئے کہا کہ ابھی نہیں اتنی جلدی سفر ختم نہیں ہوسکتا۔

عرفان‌ خان نے خط میں لکھا تھا کہ کچھ وقت پہلے تک زندگی کو ایسا محسوس کرتے تھے کہ بس میں میں تیز رفتار ٹرین میں سفر کررہا تھا، تیزی سے خوابوں، خواہشات، خوشیوں اور منصوبوں کے ساتھ آگے بڑھ رہا تھا کہ اچانک تیز رفتار ٹرین کے سفر کے دوران کسی نے کندھے پر ہاتھ رکھ کر کہا ،’بس اب آپ کا سفر ختم ہونے کو ہے، آپ کی منزل قریب ہے۔اب آپ اس ٹرین سے اتر کر نیچے آئیں‘۔

بالی ووڈ اداکار نے خط میں اپنی بیماری کو کڑا امتحان اور کھیل میں آجانے والی خرابی یا رکاوٹ قرار دیا، جسے ٹھیک کرنے کے لیے کوششیں جاری ہیں۔

مزید پڑھیں: عرفان خان کی بیماری، کنگ خان نے حق ادا کردیا

یاد رہے کہ بالی ووڈ کے ورسٹائل اداکارعرفان خان نے 16 مارچ کو مداحوں کو باخبر کیا تھا کہ ان میں نیورو اینڈوکرائن ٹیومر نامی مرض ( دماغ کے کینسر) کی تشخیص ہوئی ہے، وہ ان دنوں علاج کیلئےلندن میں موجود ہیں اور کینسر سے جنگ لڑرہے ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں