The news is by your side.

Advertisement

عرفان خان کی اہلیہ کا اپنے خاوند کے نام دل سوز الوداعی پیغام

ممبئی: ایک روز قبل اچانک انتقال کرجانے والے معروف بالی ووڈ اداکار عرفان خان نے اہلیہ نے اپنے شوہر کی وفات پر جذباتی پیغام شیئر کر کے مداحوں کو آبدیدہ کردیا۔

عرفان خان کی اہلیہ سوتاپا سک دار نے سماجی رابطے کی ویب سائٹ فیس بک پر اداکار کے ساتھ لی گئی اپنی یادگار تصویر اپنی پروفائل پر لگائی اور گزرے ہوئے دنوں کو یاد کیا۔

انہوں نے لکھا کہ ’میں نے انہیں ہرطرح سے حاصل کیا، میں نے کچھ کھویا نہیں بلکہ سب کچھ پایا ہے‘۔

سوتاپا کے اس اسٹیٹس پر مداحوں نے جذباتی تبصرے کیے اور انہوں نے عرفان خان کی اگلی زندگی کے لیے آسانیوں اور اہل خانہ کے لیے صبر کی دعا بھی کی۔

I have not lost I have gained in every which way….

Posted by Sutapa Sikdar on Thursday, 30 April 2020

یاد رہے کہ عرفان خان کی تدفین گزشتہ روز ممبئی کے ویرسوا قبرستان میں ہوئی جس میں اہل خانہ، دوستوں سمیت فلمی دنیا کی معروف شخصیات نے بھی شرکت کی۔

عرفان خان نے انتقال سے قبل آخری گفتگو اپنی اہلیہ سے چند گھڑیوں پہلے ہی کی تھی۔ انہوں نے گزشتہ صبح اپنی اہلیہ کو بیٹے کو اسپتال بلایا اور اُن سے طویل بات چیت کی۔

عرفان خان نے اپنی اہلیہ سے گفتگو کرتے ہوئے کہا تھا کہ ’مجھے لگتا ہے میرا کام ہوگیا، میں ہار گیا ہوں، دیکھو اماں کمرے میں موجود ہیں، وہ میرے پاس ہی ہیں مجھے لینے کے لیے آئی ہیں‘۔

اس گفتگو کو سُن کر سوتاپا فرط جذبات پر قابو نہ رکھ سکیں اور انہوں نے زاروقطار رونا شروع کردیا تھا، اسی دوران عرفان خان کی طبیعت خراب ہوئی اور ڈاکٹرز نے ایک گھنٹے بعد اُن کی موت کی تصدیق کی۔

fb-share-icon0
Tweet 20

Comments

comments

یہ بھی پڑھیں