خوبرو اداکارہ سونیا حسین سیر سپاٹے کرنے قیلاش پہنچ گئیں، ورسٹائل اداکارہ نے کیاشی لباس میں تصاویر اور ویڈیوز بھی شیئر کردیں۔
اے آر وائی ڈیجیٹل کے مشہور ڈراموں میرے ہمراہی اور شکوہ میں شاندار اداکاری کے جوہر دکھانے والی پاکستانی اداکارہ سونیا حسین نے شمالی علاقہ جات کی سیر کرنے کیلاش پہنچ گئی۔
اداکارہ سوشل میڈیا کے ذریعے مداحوں سے مسلسل رابطے میں رہتی ہیں اور اپنی تصاویر و ویڈیوز سوشل میڈیا پر شیئر کرتی ہیں، اگر سونیا حسین کو فیشن ایبل اور دو جدید کے مطابق چلنے والی اداکارہ کہا جائے تو غلط نہ ہوگا۔
اداکارہ کی گزشتہ دنوں انسٹاگرام پر شیئر کردہ تصاویر و ویڈیوز میں وہ کیلاشی لباس پہنے نظر آئیں، سونیا حسین کیلاشی لباس میں اور بھی زیادہ خوبصورت اور خوش نظر آرہی ہیں۔
سونیا حسین کی ویڈیوز و تصاویر پر مداحوں کی جانب سے پسندیدگی کا اظہار کیا جارہا ہے جب کہ صارفین بھی تبصرے بھی جاری ہیں۔
