site
stats
اہم ترین

اسحاق ڈار کا مرغی کے گوشت کی قیمت کم نہ ہونے کا نوٹس

اسلام آباد: وزیر خزانہ اسحق ڈار نے مرغی کے گوشت کے نرخوں میں کمی نہ ہونے کا نوٹس لیتے ہوئے پولٹری ایسوسی ایشن کو حکم دیا ہے کہ وہ نرخوں کو مناسب سطح پر لائیں، پولٹری ایسوسی ایشن نے انہیں دو دن میں نرخ کم کرنے کی یقین دہانی کرادی۔

ذرائع کے مطابق وزیر خزانہ اسحق ڈار نے پولٹری ایسوسی ایشن کو ہدایت دی ہے کہ وہ نرخوں کو کم کریں اور انہیں مناسب سطح لائیں، عوام کو ہر ممکن ریلیف فراہم کرنے کے لیے اقدامات کریں۔

اطلاعات ہیں کہ پولٹری ایسوسی ایشن نے وزیر خزانہ کو ملک بھر میں دو دن کے اندر مرغی کے نرخ مناسب سطح پر لانے کی یقین دہانی کرادی ہے۔

یاد رہے کہ وزیر خزانہ اسحق ڈار نے بجٹ تقریر میں عوام کو یقین دہانی کرائی تھی کہ وہ پورے سال مرغی کے نرخ دوسو روپے فی کلو سے زائد نہیں ہونے دیں گےتاہم بجٹ کو کئی دن گزرنے کے باوجود مرغی کا گوشت تاحال دوسو پچاس روپے سے بھی زائد قیمت پر فروخت کیا جارہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top