The news is by your side.

Advertisement

جے آئی ٹی رپورٹ میں اسحاق ڈار کے اثاثوں میں 91 گنا اضافے کا انکشاف

اسلام آباد : جے آئی ٹی رپورٹ میں وزیر خزانہ اسحاق ڈار کے اثاثوں میں ہوشربا اضافے کا انکشاف کیا گیا ہے ، رپورٹ میں بتایا گیا ہے کہ پندرہ برس میں اسحاق ڈار کے اثاثوں میں اکیانوے گنا اضافہ ہوا ہے۔

تفصیلات کے مطابق وزیر خزانہ اسحاق ڈار اعداد وشمار میں تو خوب ماہر ہیں مگر ان کے اپنے اعداد شمار ان کو پھنسوا گئے، وزیر خزانہ اسحاق ڈار کے بیشتر برسوں کے ٹیکس ریٹرن موجود نہیں ہیں۔

جے آئی ٹی پورٹ کے مطابق انیس سو اکیاسی بیاسی سے پچیاسی چھیاسی تک کے ٹیکس ریٹرنز کا کوئی نام و نشان نہیں، چورانوے پچانوے سے 2002 تک کی ویلتھ اسٹیمنٹس بھی موجود نہیں۔

تحقیقاتی رپورٹ میں بتایا گیا ہے کہ مالی سال تیرانوے چورانوے سے 2009 کے درمیان اسحاق ڈار کے اثاثوں میں 91 گنا اضافہ ہوا، ان پندرہ برسوں میں اسحاق ڈار کے اثاثے 91 لاکھ روپے سے بڑھ کر83 کروڑ 17 لاکھ روپے تک جا پہنچے۔

اسحاق ڈار کی آمدنی 2009 میں سات لاکھ سے بڑھ کر2015 میں چارکروڑ ساٹھ لاکھ روپے ہوگئی، ان اثاثوں کے حصول اور آمدنی میں اضافے کا بنیادی زریعہ ان کے بیٹے کی جانب سے دیئے گئے تحائف ہیں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

Print Friendly, PDF & Email

Comments

comments

یہ بھی پڑھیں