تازہ ترین

ڈیفالٹ کی رٹ لگانے والے ہی اس صورتحال کے ذمہ دار ہیں، اسحاق ڈار

اسلام آباد : وزیر خزانہ اسحاق ڈار کا کہنا ہے کہ ڈیفالٹ ڈیفالٹ کی رٹ لگانے والے ہی اس صورتحال کےذمہ دار ہیں لیکن پاکستان ڈیفالٹ نہیں کرے گا۔

تفصیلات کے مطابق وزیر خزانہ اسحاق ڈار نے پوسٹ بجٹ پریس کانفرنس کرتے ہوئے ملک کے ڈیفالٹ ہونے کی خبروں پر کہا پاکستان ڈیفالٹ نہیں کرے گا ، جس نے ڈیفالٹ کی رٹ لگائی ہے وہی اس کے ذمہ دار ہیں۔

اسحاق ڈار کا کہنا تھا کہ ائیر پورٹس کی آوٹ سورسز کے لئے معاہدہ ہوچکا ہے،بارہ ملکوں کی کمپنیاں دلچپسی رکھتی ہے ، جولائی میں بڈنگ ہوگی۔

وفاقی وزیر نے کہا کہ آئی ایم ایف سے بات چیت میں بڑے مسائل سبسڈی کے ہی تھے، بجٹ میں1074ارب روپے کی سبسڈی رکھی ہے، تنخواہوں میں اضافہ بیسک تنخواہ پر ہوگا، ایڈ ہاک ریلیف الاؤنس مدمیں دیاجائے گا۔

ان کا کہنا تھا کہ لان بی پر عوامی سطح پر بات نہیں کرسکتے، پاکستان ڈیفالٹ نہیں کرے گا، ڈیفالٹ ڈیفالٹ کی رٹ لگانے والے ہی اس صورتحال کےذمہ دار ہیں۔

وزیر خزانہ نے کہا کہ قرضوں کی ری اسٹرکچرنگ کا مطلب دیوالیہ نہیں ہونا ہوتا ہے،مقامی بینکوں سے ری اسٹرکچرنگ نہیں ہوگی، میرے نزدیک یہ بیوقوفی ہے۔

اسحاق ڈار نے بتایا کہ نجکاری پروگرام میں ڈسکوز کو دیکھا جا رہا ہے، پی آئی اے اور پاکستان اسٹیل سے متعلق نجکاری کو دیکھا جارہا ہے۔

Comments

- Advertisement -