اسلام آباد : سات سال میں بااثر افراد نے چار ارب پینسٹھ کروڑ روپے کا قرضہ معاف کرالیا ہے۔
تفصیلات کے مطابق وزیرخزانہ اسحاق ڈار نے سینٹ اجلاس میں انکشاف کیا کہ بااثر افراد نے اُنیس بینکوں سے چار ارب پینسٹھ کروڑ روپے کا قرضہ معاف کرالیا۔
اسحاق ڈار کے مطابق 34 بینکوں میں سے 19 بینکوں نے سال دو ہزار دس سے فراہم کئے گئے قرضوں میں سے 4 ارب 65 کروڑ روپے مالیت کے قرضے معاف کردیئے۔
اس سے قبل فروری دوہزار سولہ میں وزیر خزانہ نے رکن اسمبلی جمشید دستی کی جانب سے پوچھے گئےسوال پر قومی اسمبلی کو بتایا تھا کہ موجودہ حکومت کےدورمیں اب تک 22 ارب روپے کے قرضے معاف کرائے جاچکے ہیں۔
وزیر قانون زاہد حامد نے سینیٹ کو بتایا کہ قرضوں کی معافی میں حکومت کا کوئی ہاتھ نہیں، بینکوں کےبورڈ آف ڈائریکٹرز اسٹیٹ بینک کی گائیڈ لائینز کی روشنی میں قرض معافی کے فیصلے کرتے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں