مسلم لیگ ن کے رہنما اور سابق وزیر خزانہ اسحاق ڈار 5 سال بعد وطن واپس پہنچ گئے ہیں۔
اے آر وائی نیوز کے مطابق مسلم لیگ ن کے رہنما اسحاق ڈار نے میڈیا سے گفتگو کرتے ہوئے کہا کہ ’اللہ تعالیٰ کے فضل و کرم سے اپنے وطن واپس آگیا ہوں جس طرح 99-98 اور 2013-14 میں ملک کو معاشی بھنور سے نکالا تھا اسی طرح ملک کو معاشی بھنور سے نکالنے کی کوشش کروں گا۔
انہوں نے کہا کہ ’قائد نواز شریف اور وزیراعظم شہباز شریف نے وزیر خزانہ کی ذمہ داریاں دی ہیں بڑی امید ہے کہ ہم معیشت کو درست سمت میں لے کر جائیں گے۔
اس سے قبل سابق وفاقی وزیرمونس الہٰی نے اسحاق ڈار کی وطن واپسی کےفیصلے پر ردعمل دیتے ہوئے کہا تھا کہ ملکی خزانہ خالی کرکے شریفوں کی تجوری بھرنے والا منشی واپس آرہا ہے۔
ان کا کہنا تھا کہ اسحاق ڈار پاکستان کا وزیرخزانہ بننے کے لائق ہے یا جیل میں ڈالنے کے؟ امپورٹڈ حکومت کے امپورٹڈ چور نامنظور۔
