دھرنے کا انجام پہلے بھی قوم کے سامنے ہے ، اسحاق ڈار -
The news is by your side.

Advertisement

دھرنے کا انجام پہلے بھی قوم کے سامنے ہے ، اسحاق ڈار

لاہور: اسحاق ڈار کا کہنا ہے کہ جب ملک ترقی کی راہ پر گامزن ہوتا ہے،دھرنا سیاست شروع کردی جاتی ہے۔

وفاقی وزیر خزانہ اسحاق ڈار نے اجلاس سے خطاب کرتے ہوئے کہا کہ ہم نے ایمانداری کے ساتھ ٹی او آر بنائے، ٹی او آر پر اتفاق رائے نہ ہوا تو حکومت، اپوزیشن کے ٹی او آر پبلک کرینگے، کوشش ہے کہ ٹی اوآر پر اتفاق ہو جائے۔

وفاقی وزیر خزانہ نے کہا کہ جمہوریت کے نام پر کرپشن نہیں چھپا رہے، دھاندلی کےالزامات کی حقیقت عدالتی کمیشن میں سامنے آ گئی تھی، کوشش ہے کہ الیکشن کمیشن کےارکان کی تعیناتی25جولائی تک ہوجائے۔

انہوں نے کہا کہ دھرنے کا انجام پہلے بھی قوم کے سامنے ہے، جب ملک ترقی کی راہ پر گامزن ہوتا ہے،دھرنا سیاست شروع کردی جاتی ہے۔

ان کا مزید کہنا تھا کہ سیاسی مفادات کی بجائے ملکی مفادات کو ترجیح دینی چاہئے ایسا قانون چاہتے ہیں جس کےتحت سب کا بلا امتیاز احتساب ہو، 2018 کا پاکستان روشن اور خوشحال ہو گا۔

Comments

comments

یہ بھی پڑھیں