تازہ ترین

وزیراعظم کے طیارے میں فرارہونے والے اسحاق ڈار کی وطن واپسی بھی وزیراعظم کے طیارے میں

اسلام آباد : سابق وزیر خزانہ اسحاق ڈار آج وزیراعظم شہبازشریف کے ہمراہ پاکستان روانہ ہوں گے۔

تفصیلات کے مطابق وزیراعظم کے طیارے میں فرارہونے والے سابق وزیرخزانہ اسحاق ڈار کی وطن واپسی بھی وزیراعظم کے طیارے میں ہی ہوگی۔

سابق وزیر خزانہ اسحاق ڈار آج وزیراعظم شہباز شریف کے ساتھ پاکستان روانہ ہوں گے۔

اسحاق ڈار پانچ سال پہلے بطور وزیر خزانہ اس وقت کے وزیراعظم شاہد خاقان عباسی کے طیارے میں لندن گئے تھے اور اب نامزد وزیر خزانہ کے طور پر وزیراعظم شہباز شریف کے طیارے میں واپس آرہے ہیں۔

خیال رہے اسحاق ڈار کی وطن واپسی پر دو روز تک مشاورت ہوتی رہی، جس کے بعداسحاق ڈار کی واپسی کا فیصلہ ہوا، اسحاق ڈار کو وزیراعظم کے ساتھ جانےکا مشورہ نوازشریف نےدیا۔

اسحاق ڈار نے پاکستان آنے کیلئے بدھ کی ٹکٹ بک کرا رکھی ہے، ذرائع کا کہنا ہے اسحاق ڈار منگل کو سینیٹ کی رکنیت کا حلف اٹھائیں گے۔

یاد رہے پارٹی قیادت کی ہدایت پرمفتاح اسماعیل مستعفی ہوگئے ہیں اور پاکستان پہنچنےپر باضابطہ طورپراستعفیٰ دیں گے۔

Comments

- Advertisement -