قاہرہ : نائب وزیراعظم اسحاق ڈار نے امریکی اور ترک وزرائے خارجہ سے ملاقاتیں کیں ، جس میں غزہ میں جنگ بندی سے متعلق امور پر تبادلہ خیال کیا گیا۔
تفصیلات کے مطابق نائب وزیراعظم اسحاق ڈار نے غزہ پیس سمٹ کے موقع پر امریکی وزیرِ خارجہ مارکو روبیو اور ترکیہ کے وزیرِ خارجہ حقان فدان سے ملاقات کی۔
ترجمان دفترِ خارجہ نے بتایا کہ ملاقاتوں میں غزہ میں جنگ بندی، انسانی امداد اور خطے میں امن و استحکام سے متعلق امور پر تبادلہ خیال کیا گیا۔
ملاقات میں اسحاق ڈار نے امریکا اور ترکیہ کے کردار کو سراہتے ہوئے کہا کہ غزہ میں جنگ بندی کے لیے دونوں ممالک کی کوششیں قابلِ تعریف ہیں۔
Deputy Prime Minister/Foreign Minister Senator Mohammad Ishaq Dar @MIshaqDar50 held a candid exchange with U.S. Secretary of State Marco Rubio @SecRubio and Türkiye’s Foreign Minister Hakan Fidan @HakanFidan at the margins of the #GazaPeaceSummit in Egypt today.
The DPM/FM… pic.twitter.com/btdHtfQSMx
— Ministry of Foreign Affairs – Pakistan (@ForeignOfficePk) October 13, 2025
نائب وزیراعظم نے زور دیا کہ فلسطینی عوام کے لیے عالمی انسانی امداد کا سلسلہ فوری طور پر جاری رکھا جائے تاکہ متاثرین کو ریلیف فراہم کیا جا سکے۔
وزیرِ خارجہ نے اپنی گفتگو میں خطے میں پائیدار امن و استحکام کے قیام کی ضرورت پر زور دیتے ہوئے کہا کہ پاکستان، فلسطینی مسئلے کے منصفانہ اور دیرپا حل کے لیے عالمی سطح پر اپنی سفارتی کوششیں جاری رکھے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں