site
stats
کھیل

اے آروائی کی شکریہ پاکستان مہم پاکستان کپ ہاکی ٹورنامنٹ کا آغاز

کراچی: گورنر سندھ ڈاکٹر عشرت العباد خان نے شکریہ پاکستان مہم کے تحت پاکستان کپ ہاکی ٹورنامنٹ کے آغاز کا اعلان کردیا، ایونٹ کےتمام میچز اے آر وائی میوزک پر نشر کیے جارہے ہیں۔

اے آر وائی ڈیجیٹل نیٹ ورک کی کاوشیں رنگ لے آئیں، جشن آزادی کا رنگ کھیلوں میں چھلکنے لگا، کراچی میں ہاکی کا میلہ شروع ہوگیا، ایونٹ میں نائن اے سائیڈ کے مقابلوں میں آٹھ ٹیمیں شریک ہیں، شیڈیول کے مطابق روزانہ دو میچ ہوں گے اور فائنل چودہ اگست کو ہوگا، تمام میچز اے آر وائی میوزک پر برہ راست نشر ہو رہے ہیں۔

13901431_10153841397097951_7612447153168277359_n

افتتاح کے موقع پر گورنر سندھ نے ہاکی کلب آف پاکستان کو عبدالستار ایدھی کے نام سے منسوب کرنے کا بھی اعلان کیا، گورنر سندھ نے قومی کاموں میں اے آر وائی نیٹ ورک کی کوششوں کو سراہا۔

13912710_10153841299212951_3123530982825803683_n

ڈاکٹر عشرت العباد خان کا کہنا تھا کہ جشن آزادی بھرپور طریقے سے مناکر پوری دنیا کو بتائیں گے کہ زندہ قومیں کس طرح آزادی کا جشن مناتی ہیں۔

گورنر سندھ نے پینتیس لاکھ روپے انعام کا بھی اعلان کیا، جیتنے والی ٹیم کو بیس لاکھ، رنرز اپ ٹیم کو دس لاکھ اور تیسری پوزیشن حاصل کرنے والی ٹیم کو پانچ لاکھ روپے انعام دیا جائے گا۔

13902559_10153841399042951_7593047723670552841_n

13925376_10153841396752951_8128961113672790988_n

شکریہ پاکستان مہم کے تحت پاکستان کپ ہاکی ٹورنامنٹ کے افتتاحی روز دو میچ کھیلے گئے، جس میں پی آئی اے اور کسٹمز نے کامیابی حاصل کی۔

افتتاحی میچ میں پی آئی اے نے واپڈا کے خلاف تین کے مقابلے میں دو گول سے کامیابی حاصل کی، فاتح ٹیم کے محمد زبیر نے دو اور شفقت رسول نے ایک گول کیا، واپڈا کی جانب سے عرفان جونئیر اور تصور عباس نے گول کیے۔

13882212_10153841399297951_1884348827069032502_n

دوسرے میچ میں کسٹمز نے پی ڈی ایس کلر کو ایک کے مقابلے میں دو گول سے زیر کیا، کسٹمز کے طرف سے محمد عابد اور محمد عامر نے گول کیے، پی ڈی ایس کا واحد گول محمد نوید نے کیا۔

ایونٹ میں کل بھی دو میچ ہوں گے پہلا میچ نیشنل بینک اور سوئی گیس کے درمیان ہوگا، دوسرے میچ میں ائیرفورس اور پی ڈی ایس وائٹ کی ٹیمیں مدمقابل ہوں گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top