پی ٹی وی اور ریڈیو پاکستان کی سینئر نیوز کاسٹر عشرت فاطمہ کا انتقال کی افواہوں پر ردعمل آگیا۔
عشرت فاطمہ پی ٹی وی میں رات 9 بجے کے لیے نیوز بلیٹن کی وجہ سے پاکستان میں مشہور ہیں اور اس وقت ریڈیو پاکستان سے وابستہ ہیں۔
اب حال ہی میں عشرت فاطمہ کی موت کی افواہیں سوشل میڈیا پر وائرل ہوئیں جس پر ردعمل دیتے ہوئے انہوں نے تمام جھوٹی خبروں کو مسترد کردیا ہے۔
عشرت فاطمہ نے کہا کہ میں ریڈیو پاکستان سے گھر واپس آرہی تھی کہ مجھے میرے عزیز دوست اور ساتھی توثیق حیدر کا فون آیا اور انہوں نے پوچھا کہ ‘سوشل میڈیا پر آپ کے بارے میں کیا خبریں ہیں؟’ میں ڈر گئی، یہ سوچ کر کہ شاید میرے بارے میں کوئی نامناسب یا غلط بات گردش کر رہی ہے۔
انہوں نے کہا کہ میں نے زندگی میں پھونک پھنوک کر قدم رکھا ہے، موت تو آنی جانی ہے اور میں اس جگہ پر کھڑی ہوں کہ کب اللہ تعالیٰ آواز دیں کہ بی بی تمہارا کردار ختم ہوچکا ہے واپس آجاؤ۔
زندگی کی نہیں عزت کی دعا دیں۔IMG_7799 pic.twitter.com/nh5WsSYQ85
— Ishrat Fatima (@OfficialIshrat) October 17, 2025
عشرت فاطمہ نے کہا کہ میں یہاں اپنے والدین اور اپنے مداحوں کی وجہ سے ہوں اور آپ سب کے لیے دعاگو ہوں۔
مداحوں کو بھی یہ جان کر خوشی ہوئی کہ ان کی موت کی خبر جھوٹی تھی اور بہت سے لوگ نیوز کاسٹر کو دعائیں دے رہے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں