The news is by your side.

Advertisement

ایم کیو ایم اور تحریک انصاف کو ہاتھ ملانا چاہئے، عشرت العباد

کراچی: سابق گورنر سندھ ڈاکٹر عشرت العباد نے کہا ہے کہ ایم کیو ایم اور تحریک انصاف کو ہاتھ ملانا چاہئے، لڑائی کی سیاست ختم کرکے عوام کو ریلیف دینا ہوگا۔

تفصیلات کے مطابق سابق گورنر سندھ ڈاکٹر عشرت العباد نے ایم کیو ایم کے کنوینر خالد مقبول صدیقی کو فون کیا اور کہا کہ شہری سندھ کے لیے تحریک انصاف کے ساتھ چلنے پر مشاورت کی جائے۔

سابق گورنر سندھ نے کہا کہ سیاسی جھگڑوں کو ختم کرکے اب تبدیلی لانا ہوگی، لڑائی کی سیاست ختم کرکے عوام کو ریلیف دینا ہوگا۔

سربراہ ایم کیو ایم پاکستان خالد مقبول صدیقی نے کہا کہ تحریک انصاف کے لیے دروازے کھلے ہیں بات چیت کے لیے تیار ہیں، کراچی کی ترقی اور بلدیاتی اختیارات ہمارا اولین ایجنڈا ہیں۔

کنوینر ایم کیو ایم پاکستان خالد مقبول صدیقی نے کہا کہ شہری سندھ کے لیے ساتھ چلنے کو تیار ہیں، کراچی کی عوام کو ریلیف دیں گے۔

قبل ازیں تحریک انصاف کے وائس چیئرمین شاہ محمود قریشی نے ڈاکٹر عشرت العباد سے رابطہ کیا، عشرت العباد نے عمران خان اور تحریک انصاف کو الیکشن میں کامیابی پر مبارکباد دی۔

اس موقع پرپی ٹی آئی کے رہنما شاہ محمود قریشی نے کہا کہ تحریک انصاف اور ایم کیو ایم کے درمیان بہترین ورکنگ ریلیشن کے لیے کردار ادا کروں گا۔

دوسری جانب ڈاکٹرعشرت العباد نے کہا کہ تحریک انصاف کا متحدہ کوساتھ لے کرچلنے کا فیصلہ خوش آئند ہے، تمام جماعتیں کراچی کے لیے مل کرکام کریں، شہر کے امن کومستحکم کرنے کے لیے سیاسی اتحاد ضروری ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں