site
stats
پاکستان

معروف ناول نگاراشتیاق احمد کراچی میں انتقال کرگئے

کراچی: انسپکٹر جمشید سیریز سمیت آٹھ سو سے زائد ناولوں کے مصنف اشتیاق احمد کراچی میں انتقال کرگئے ہیں.

مشہور اور معروف مصنف اور بچوں کی تحریروں کے حوالے سے بالخصوص شہرت حاصل کرنے والے اشتیاق احمد کراچی ایئرپورٹ پر حرکت قلب بند ہوجانے سے انتقال کرگئے، وہ کراچی میں ہونے والے گیارہویں بین الاقوامی کتب میں شرکت کے بعد اپنے دوست فاروق احمد کے ہمراہ لاہور جارہے تھے تاہم اچانک طبیعت خراب ہوئی اور وہ خالق حقیقی سے ملے.

کراچی میں ہونے والے گیارہویں بین الاقوامی کتب میلے میں ان کو شرکت کی خصوصی دعوت دی گئی تھی اشتیاق احمد آٹھ سو سے زائد ناولوں کے مصنف تھے ان کی اہم ناول انسپکٹر جمشیدسیریز،انسپکٹر کامران سیریز ان کی وجہ شہرت وجہ بنے جبکہ 1972ء میں پہلا ناول پیکٹ کا راز منظر عام پر آیااور عمران کی واپسی ان کا آخری ناول ثابت ہوا.

اشتیاق احمد کے دوست فاروق احمد کے مطابق مزید پندرہ ناول وہ تحریر کرچکے ہیں، جو بعد میں شائع کئے جائیں گے، اشتیاق احمد کی تحریروں میں جو اسلوب پایا جاتا ہے، ماہرین لسانیات اور ادیبوں کے مطابق عصر حاضر میں بھی رہنمائی کا فریضہ بھی انجام دے رہا ہے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top