آئی ایس آئی دنیا کی بہترین انٹیلی جنس ایجنسی ہے، وزیراعظم عمران خان imran khan
The news is by your side.

Advertisement

حکومت، عوام مسلح افواج اور انٹیلی جنس ایجنسی کے ساتھ ہیں، وزیراعظم عمران خان

راولپنڈی: وزیراعظم عمران خان نے کہا ہے کہ آئی ایس آئی ہماری پہلی دفاعی لائن ہے، آئی ایس آئی دنیا کی بہترین انٹیلی جنس ایجنسی ہے۔

پاک فوج کے شعبہ تعلقات عامہ (آئی ایس پی آر) کے مطابق وزیراعظم عمران خان نے آئی ایس آئی ہیڈ کوارٹرز کا دورہ کیا، آرمی چیف اور ڈی جی آئی ایس آئی نے وزیراعظم کا استقبال کیا، عمران خان نے یادگار شہداء پر پھول چڑھائے۔

آئی ایس پی آر کے مطابق وزیراعظم کو اسٹریٹجک انٹیلی جنس، قومی سلامتی پر تفصیلی بریفنگ دی گئی، عمران خان نے قومی سلامتی کے لیے آئی ایس آئی کی خدمات کو سراہا۔

وزیراعظم عمران خان نے کہا کہ آئی ایس آئی دنیا کی بہترین انٹیلی جنس ایجنسی میں شمار ہوتی ہے، آئی ایس آئی ہماری پہلی دفاعی لائن ہے۔

وزیراعظم نے کہا کہ حکومت، عوام مسلح افواج اور انٹیلی جنس ایجنسی کے ساتھ ہیں، حکومت اور عوام اداروں کی بے مثال قربانیوں کو تسلیم کرتے ہیں۔

دوسری جانب وزیر اطلاعات فواد چوہدری نے کہا کہ وزیراعظم کے ہمراہ وفاقی وزراء نے بھی آئی ایس آئی ہیڈکوارٹرز کا دورہ کیا۔

فواد چوہدری نے کہا کہ وزیراعظم نے آئی ایس آئی ہیڈکوارٹرز پہنچنے پر اجلاس کی صدارت کی، وزیراعظم، وفاقی وزراء کو آرمی چیف اور ڈی جی آئی ایس آئی نے بریفنگ دی۔

مزید پڑھیں: وزیراعظم عمران خان کا جی ایچ کیو کا دورہ

واضح رہے کہ اس سے قبل وزیراعظم عمران خان نے جی ایچ کیو کا بھی دورہ کیا تھا جہاں انہیں طویل بریفنگ دی گئی تھی۔

Comments

comments

یہ بھی پڑھیں