تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

دہشتگرد تنظیم داعش نے جکارتہ دھماکوں کی ذمہ داری قبول کرلی

جکارتا : دہشت گردوں نے انڈونیشیا کے دارالحکومت جکارتا کو نشانہ بنایا، سفارتی اور کاروباری علاقے میں دھماکوں اور فائرنگ سے پانچ حملہ آوروں سمیت سات افراد ہلاک ہو گئے، دہشتگرد تنظیم داعش نے حملوں کی ذمہ داری قبول کرلی ہے۔

سال دو ہزارنو کے بعد نئے سال میں انڈونیشیا کے خلاف دہشتگردوں کی یہ پہلی کارروائی ہے،گزشتہ روز جکارتا کا گنجان کاروباری مرکز، تامرین اسٹریٹ دہشت گردوں کا نشانہ بنا، اس علاقے میں اقوام متحدہ کا دفتر اور امریکی سفارت خانے سمیت کئی سفارتی مشن واقع ہیں۔

انڈونیشیا کا دارالحکومت میں پہلے یکے بعد دیگرے سات دھماکے ہوئے، جس کے بعد حملہ آور قریبی علاقوں میں پھیل گئے اور اندھا دھند فائرنگ شروع کردی، پولیس کی بھاری نفری نے موقع پر پہنچ کر علاقے کو گھیر لیا۔ تربیت یافتہ دستوں نے موثر کارروائی کی۔ اس دوران پانچ حملہ آور مارے گئے جبکہ ایک کینیڈین شہری سمیت دو افراد جان کی بازی ہار گئے۔

دھماکے کے بعدانڈونیشیا کے صدر کا جائے حادثہ پہنچنے پر کہنا تھا کہ دہشت گردی کے ایسے واقعات ان کے ملک کو شکست نہیں دے سکتے، امریکہ سمیت دنیا بھر سے دہشتگردانہ حملوں کی مذمت سامنے آئی ہے۔

Comments

- Advertisement -