The news is by your side.

Advertisement

داعش کے پاس لڑنے کیلئے 300 ملین ڈالر ہیں، نئے حملے کرسکتا ہے، انتونیوگوتریس

نیویارک : اقوام متحدہ کے سیکریٹری جنرل انتونیوگوتریس کا کہنا ہے کہ داعش نئے دہشت گرد حملے کر سکتا ہے ، ان کے پاس لڑنے کے لئے تین سو ملین ڈالر ہیں ، انتہا پسند گروپ دوبارہ ابھرنے کی کوشش کررہا ہے۔

تفصیلات کے مطابق اقوام متحدہ کے سیکریٹری جنرل انتونیوگوتریس نے کہا ہے کہ داعش کے پاس لڑنے کے لئے تین سوملین ڈالرہیں، داعش کی سرگرمیوں میں وقفہ عارضی ہوسکتا ہے لیکن یہ انتہاپسند گروپ دوبارہ ابھرنے کی کوشش کررہا ہے۔

انتونیوگوتریس کا کہنا تھا کہ داعش نئے دہشت گرد حملے کرسکتا ہے، داعش کے جنجگوؤں کی شام کے علاقوں میں دوبارہ جمع ہونے کی اطلاعات ہیں۔

یاد رہے ترک صدر رجب طیب اردوگان نے شام سے مکمل طور پر داعش کے خاتمے کے لیے بڑے پیمانے پر آپریشن کی تیاری شروع کردی ہے ، جس کا مقصد خطے سے عسکریت پسندوں کا خاتمہ ہے۔

مزید پڑھیں : داعش کے خاتمے کی کوشش، شام میں بڑے پیمانے پر آپریشن کی تیاری

ترک صدر کا کہنا تھا کہ ہمارے پاس اب دریائے فرات کے مشرقی کنارے میں فوجی آپریشن کے سوا کوئی چارہ نہیں بچا، ہم نے اس حوالے سے امریکا اور روس کو بھی بتا دیا ہے۔

گذشتہ ہفتے عراقی انٹیلی جنس حکام کا کہنا تھا کہ داعش کے سربراہ البغدادی اس وقت شام میں موجود ہے اور مفلوج ہوچکا مگر اب بھی موثر ہے، حملے میں اس کی ریڑھ کی ہڈی بھی متاثر ہوئی ہے جس کے نتیجے میں وہ چل پھر نہیں سکتے۔

Comments

comments

یہ بھی پڑھیں