شہر قائد میں دہشتگرد تنظیم داعش کے نیٹ ورک کا انکشاف
The news is by your side.

Advertisement

کراچی میں دہشتگرد تنظیم داعش کے نیٹ ورک کا انکشاف

کراچی : قانون نافذ کرنے والے اداروں کے دعوے دھرے کے دھرے رہ گئے، شہر قائد میں دہشتگرد تنظیم داعش کے نیٹ ورک کا انکشاف ہوگیا۔

تفصیلات کے مطابق کراچی شہر میں دہشتگرد تنظیم داعش کے نیٹ ورک کا انکشاف ہوگیا، یہ انکشاف دہشتگرد تنظیم کی جانب سے گلشن معمار میں ٹھیکدار سے 30 لاکھ روپے بھتہ طلب کرنے کی اطلاع پر ہوا۔

ٹھکیدار رسول کریم گلشن معمار جان محمد گوٹھ کا رہائشی ہیں، فروری کی 24 تاریخ سے انھیں داعش کے نام پر بھتے کے فون آرہے ہیں ، ملزمان نے بھتہ نہ دینے پر جان سے مارنے کی دھمکی دی۔

رسول کریم کا کہنا ہے کہ کئی مرتبہ متعلقہ تھانے گیا لیکن وہ ایف آئی آر درج نہیں کر رہے اور قانون نافذ کرنے والے اداروں سے مطالبہ کیا ہے کہ انھیں تحفظ فراہم کریں اور ملزمان کو گرفتار کیا جائے۔


مزید پڑھیں : کراچی سے داعش کا خطرناک دہشت گرد گرفتار


دوسری جانب اے آر وائی نیوز کی خبر پر ایس ایس پی ملیر نے فوری نوٹس لیتے ہوئے ایف آئی آر درج کرکے تفتیش کرنے کا حکم دیدیا ہے۔

آئی جی سندھ نے بھی خبر پر نوٹس لیتے ہوئے ڈی آئی جی سی آئی اے اور ڈی آئی جی ایسٹ سے رپورٹ طلب کرلی ہے۔

یاد رہے کہ چند روز قبل ایف آئی اے کے انسداد دہشت گردی ونگ نے داعش سے منسلک خطرناک دہشت گرد گرفتار کیا تھا ، دہشتگرد سوشل میڈیا پر داعش کے لیے ذہن سازی کرتا تھا۔

گرفتار دہشت گرد کا نام عمران عرف سیف الاسلام خلافتی تھا اور وہ سوشل میڈیا پر داعش کے لیے ذہن سازی سازی کرتا تھا، ملزم سے داعش کا جھنڈا، لیپ ٹاپ اور دیگر آلات برآمد ہوئے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں