برطانیہ میں کیمیائی حملوں کی سازش کا خدشہ
The news is by your side.

Advertisement

برطانیہ میں کیمیائی حملوں کی سازش کا خدشہ

لندن: برطانوی حکام نے کہا ہے کہ دہشت گرد برطانیہ میں کیمیائی حملوں کی سازش کررہے ہیں، کیمیائی حملوں کا خدشہ 25 فی صد سے بڑھ کر 50 فی صد ہوگیا ہے۔

غیرملکی خبررساں ادارے کے مطابق برطانوی حکام کا کہنا ہے کہ داعش کے دہشت گردوں کی گفتگو ریکارڈ ہونے کے بعد سازش کا علم ہوا کہ برطانیہ میں کیمیائی حملوں کی سازش کی جارہی ہے۔

لندن کے زیر زمین ریلوے اسٹیشنوں پر کلورین بم حملے کا خدشہ

برطانوی حکام نے لندن کے زیر زمین ریلوے اسٹیشنوں پر کلورین بم حملے کا خدشہ ظاہر کیا ہے، ملک کی سیکیورٹی پر کوئی سمجھوتہ نہیں کرسکتے، حملوں کا سب سے بڑا خدشہ داعش کی جانب سے ہے۔

میل آن لائن کی رپورٹ کے مطابق اس طرح کے واقعات میں اب تک 100 افراد ہلاک ہوچکے ہیں جبکہ متعدد زخمی بھی ہوئے۔

سیکیورٹی وزیر بین ویلیس نے کہا ہے کہ میں مسلسل اس طرح کے کیمیائی حملوں کے خدشہ کا اظہار کرچکا ہوں۔

انہوں نے کہا کہ ہم ان حملوں سے بچنے کے اقدامات کا جائزہ لے رہے ہیں تاکہ کسی بھی دہشت گردی کی صورت حال سے نمٹا جاسکے۔

برطانیہ کے سیکیورٹی حکام نے کہا کہ اگر کوئی ایسا ناخوشگوار واقعہ رونما ہوتا ہے تو ہمارے پاس کسی بھی حملے کا جواب دینے یا اس کے اثرات کو کم از کم کرنے کے آزمودہ منصوبے ہیں۔

برطانوی حکام کا کہنا ہے کہ اس طرح کے کیمیکل حملے پہلے بھی لندن کے ٹیوب اسٹیشن میں ہوچکے ہیں ہمیں اس سلسلے میں لوگوں کو آگاہی دینے کی ضرورت ہے تاکہ خوف و ہراس نہ پھیلے۔

 

Comments

comments

یہ بھی پڑھیں