The news is by your side.

Advertisement

اسلام آباد یونائیٹڈ نے لاہور قلندرز کو 8 وکٹوں سے ہرا دیا

پاکستان سپر لیگ کے سنسنی خیز مقابلوں میں ایک اور میچ کا فیصلہ ہوگیا، اسلام آباد یونائیٹڈ کے اوپنرز نے دھواں دار بیٹنگ کرتے ہوئے لاہور قلندرز کیخلاف آٹھ وکٹ سے کامیابی حاصل کرلی۔

شارجہ میں سپر لیگ کے میچ میں اسلام آباد یونائیٹڈ کے اوپنرز نے لاہور قلندرز کے بولرز ایسے دھویا کہ فیلڈرز کیچز پکڑنا ہی بھول گئے،اننگز کے آغاز سے شروع ہونیوالی چھکے اور چوکوں کی بارش آخر تک تھم نہ سکی، شین واٹسن اور شرجیل خان نے پی ایس ایل کی ریکارڈ پارٹنر شپ قائم کردی۔

اسلام آباد یونائیٹڈ نے ٹاس جیت کر لاہور قلندرز کو بیٹنگ کی دعوت دی، مصباح الحق کی عدم موجودگی میں شین واٹسن نے یونائیٹڈ کی باگ ڈور سنبھالی۔

قلندرز کے ابتدائی دو کھلاڑی چھالیس رنز پر پویلین لوٹ آئے، دونوں محمد سمیع کاشکار بنے، نوید یاسین، عمر اکمل اور ڈوئین براؤو نے تیزی سے اسکور کرنے کی کوشش میں آؤٹ ہوگئے، محمد رضوان نے پچاس رنز کی اننگز کھیلی۔

اسلام آباد یونائیٹڈ کو لاہور قلندرز نے جیت کیلئے ایک سو سرسٹھ رنز کا ہدف دیا تھا جو باآسانی حاصل کرلیا گیا۔

Print Friendly, PDF & Email

Comments

comments

یہ بھی پڑھیں