دین اسلام انسانی حقوق کا علمبردار ہے‘ شہبازشریف -
The news is by your side.

Advertisement

دین اسلام انسانی حقوق کا علمبردار ہے‘ شہبازشریف

لاہور: وزیراعلی پنجاب شہبازشریف کا کہنا ہے کہ پیغمر اسلام حضرت محمدﷺ نے پوری انسانیت کے لیے انسانی حقوق کا ابدی اور لافانی پیغام دیا ہے۔

تفصیلات کے مطابق انسانی حقوق کے عالمی دن کےموقع پر وزیراعلیٰ پنجاب شہبازشریف نے کہا کہ دین اسلام انسانی حقوق کا علمبردار ہے۔

شہبازشریف نے کہا کہ پاکستان کے آئین میں تمام شہریوں کو برابر کے حقوق حاصل ہیں، انہوں نے کہا کہ انسانی حقوق کی پاسداری نہ کرنے والے معاشرے اپنا وجود کھو دیتے ہیں۔


انسانی حقوق کےعالمی دن پر وزیراعظم شاہد خاقان عباسی کا پیغام


وزیراعلیٰ پنجاب نے کہا کہ بنیادی انسانی حقوق کی فراہمی مہذب معاشروں کی پہچان ہے جبکہ شہریوں کے بنیادی انسانی حقوق کا تحفظ ریاست کی اولین ذمہ داری ہے۔

شہبازشریف نے کہا کہ آج ہمیں شہری کے انسانی حقوق کو مقدم رکھنے کا عزم کرنا ہوگا۔

دوسری جانب وزیراعلی بلوچستان ثنا اللہ زہری نے انسانی حقوق کے عالمی دن پر اپنے پیغام میں کہا کہ انسانی حقوق کا تحفظ مہذب معاشروں کی پہچان ہے۔

ثنا اللہ زہری نے کہا کہ اسلام بنیادی انسانی حقوق کے فراہمی کا درس دیتا ہے، انہوں نے کہا کہ پاکستان کا آئین انسانی حقوق کے تحفظ کی ضمانت فراہم کرتا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں