The news is by your side.

Advertisement

اسلام آباد کے تمام اسپتالوں میں ایمرجنسی نافذ

اسلام آباد: وفاقی دارالحکومت میں سیاسی جماعتوں کے پاور شو پر ضلعی انتظامیہ نے بڑا فیصلہ کیا ہے۔

اے آر وائی نیوز کے مطابق وفاقی دارالحکومت میں مختلف سیاسی جماعتوں کے جلوسوں کے باعث تمام اسپتالوں میں ایمرجنسی نافذ کرتے ہوئے ڈاکٹرز اور عملے کی چھٹیاں منسوخ کردی گئیں ہیں۔

ضلعی انتظامیہ کے مطابق پمز اسپتال، پولی کلینک اور سی ڈی اے اسپتال میں 3 اپریل تک ایمرجنسی نافذ کی گئی ہے اور اسپتالوں میں کسی بھی ہنگامی صورتحال سے نمٹنےکیلئےتمام انتظامات کو مکمل کرلیا گیا ہے۔

واضح رہے کہ ضلعی انتظامیہ کی جانب سے یہ اقدامات سیاسی جماعتوں کی جانب سے جلوسوں کے باعث کئے گئے، حکمران جماعت پاکستان تحریک انصاف کل پریڈ گراؤنڈ میں تاریخی جلسہ کرنے جارہی ہے، جس کے لئے ملک بھر سے قافلے اسلام آباد پہنچنے لگے ہیں۔

یہ بھی پڑھیں: پی ٹی آئی جلسے "امر بالمعروف” کی تیاریاں عروج پر

اپوزیشن کی دو بڑی جماعتوں پاکستان مسلم لیگ (ن) اور جمیعت علمائے اسلام (ف) نے بھی اپنے لانگ مارچ اسلام آباد میں کرنے کا فیصلہ کیا ہے، جمیعت علمائے اسلام (ف) کے قافلے آج رات وفاقی دارالحکومت میں داخل ہونگے۔

اسی طرح پاکستان مسلم لیگ (ن) کے حکومت مخالف ‘ مہنگائی مکاؤ مارچ’ کا آغاز لاہور سے ہوگیا ہے جو کل اسلام آباد کی حدود میں داخل ہوگا۔

Comments

یہ بھی پڑھیں