اسلام آباد(27 نومبر 2025): پولیس نے ڈانس پارٹیوں اور مساج سینٹروں کے نام پر فحاشی اڈوں کیخلاف کارروائی کرتے ہوئے درجنوں لڑکیوں اور مرد کو گرفتار کرلیا۔
اسلام آباد میں ڈانس پارٹیوں اور مساج سینٹروں کے نام پر فحاشی اڈوں کیخلاف پولیس نے کارروائی کی، تھانہ شالیمار پولیس کے ایک ہی رات میں 5 چھاپے کے دوران 21 لڑکیاں اور 19 مرد کو گرفتار کیا گیا ہے۔
شالیمار پولیس کا کہنا ہے کہ گرفتار ہونے والوں کیخلاف تھانہ شالیمار میں مقدمات درج ہیں جبکہ مزید کارروائی جاری ہے۔
یاد رہے کہ 24 نومبر کو اسلام آباد کے مساج سینٹر میں خاتون پر بہیمانہ تشدد کا واقعہ پیش آیا تھا جبکہ مالکان نے ساتھیوں کے ساتھ مل کر خاتون کے بال بھی کاٹ دیے تھے۔
یہ واقعہ اسلام آباد کے علاقے لوہی بھیر میں پیش آیا تھا، تشدد کے واقعے کی ویڈیو بھی بنائی گئی تھی، وائرل کی گئی ویڈیو میں دیکھا گیا تھا کہ مساج سینٹر کا مالک ساتھیوں سے مل کر خاتون کے بال کاٹ رہا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں