The news is by your side.

Advertisement

اسلام آباد میں بارش، موسم خوشگوار، شہریوں کے چہرے کھل اٹھے

اسلام آباد : بارشوں نے موسم دلفریب کردیا۔ محکمہ موسمیات نے بھی پنجاب سمیت بالائی علاقوں میں مزید بارشوں کی پیشگوئی کردی ہے۔

تفصیلات کے مطابق اسلام آباد سمیت بالائی علاقوں میں میں وقفے وقفے سے بارش کا سلسلہ جاری ہے، اسلام آباد میں دن بھر ہونے والی بارش نے موسم کے ساتھ ساتھ شہریوں کا موڈ بھی خوشگوار کر دیا۔

شام ڈھلتے ہی شہر اقتدار کے باسی موسم کا مزہ لینے تفریح گاہوں میں پہنچ گئے، اس کے علاوہ باغ آزاد کشمیر میں شدید بارشوں کے باعث ندی نالوں میں طغیانی آگئی جبکہ لینڈسلائینڈنگ سے متعددراستے بند ہوگئے۔

ایبٹ آباد میں تیسرے روز بھی بارش کا سلسلہ وقفے وقفے سے جاری ہے ۔ بارش کے باعث موسم سرد ہو گیا جبکہ سڑکیں پانی میں ڈوب گئی۔

موسم کا حال سنانے والوں کا کہنا ہے کہ آئندہ چوبیس گھنٹے میں ہزارہ ڈویژن ، راولپنڈی، گوجرانوالہ، لاہور، سرگودھا، پشاور، مردان، کوہاٹ ڈویژن، اسلام آباد، اور ، کشمیر اور گلگت بلتستان سمیت فاٹا میں تیز ہواؤں اور گرج چمک کے ساتھ بارش کا امکان ہے۔

Print Friendly, PDF & Email

Comments

comments

یہ بھی پڑھیں