site
stats
پاکستان

اسلام آباد میں چائنہ کٹنگ، وزیراعظم نے نوٹس لے لیا

اسلام آباد : دارالحکومت اسلام آباد میں قائم راول ڈیم کی زمین بھی لینڈما فیاکےقبضےمیں ہے۔جس کےباعث ڈیم میں پانی ذخیرہ کرنےکی گنجائش کم ہوتی جارہی ہے۔وزیراعظم نےراول ڈیم پرچائنا کٹنگ کی خبروں کانوٹس لےکر چیئرمین سی ڈی اے سےرپورٹ طلب کرلی۔

تفصیلات کے مطابق چائناکٹنگ کا جن بےقابو ہوگیا، وفاقی دارالحکومت اسلام آباد کے مضا فات میں واقع راول ڈیم کی کروڑوں روپے کی زمین پر بذریعہ چائناکٹنگ ، لینڈ ما فیا کے قبضے کا ا نکشاف ہوا ہے۔

لینڈمافیانے جڑواں شہروں کو پانی فراہم کرنے والے راول ڈیم کے کناروں کوچائنا کٹنگ کی،جس کے باعث ڈیم میں پانی ذخیرہ کرنے کی گنجائش کم ہوتی جارہی ہے۔

ذرائع کے مطا بق قبضہ مافیا نے محکمہ مال کے ساتھ مل کر جعلی رجسٹریاں بھی بنوا ئیں، اسمال ڈیمز آرگنائزیشن کی جانب سے قابضین کوکئی مرتبہ نوٹس دیئے گئے لیکن قابضین نے قبضہ نہ چھوڑا۔

اسمال ڈیمز آرگنا یزیشن کی جانب سے جعلی رجسٹریاں تیار کرنے والوں کے خلاف کارروائی کے لئے اسلام آباد انتظامیہ کو بارہا خطوط لکھے لیکن معاملہ جوں کا توں رہا، اب وزیر اعظم نے ان خبروں کا نوٹس لیتے ہو ئے چئیرمین سی ڈی اے کو شام پانچ بجے رپورٹ پیش کرنے کا حکم دیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top