The news is by your side.

Advertisement

اسلام آباد، کرونا سے متاثرہ ڈاکٹر مریضوں کا علاج کرنے میں مصروف، انتظامیہ کا ایکشن

اسلام آباد: وفاقی دارالحکومت میں کرونا سے متاثر ہونے والے ڈاکٹر کا نجی کلینک چلانے کا انکشاف ہوا جس پر مقامی انتظامیہ نے ایکشن لیتے ہوئے کلینک کو سیل کردیا۔

اے آر وائی نیوز کی رپورٹ کے مطابق اسلام آباد میں کرونا سے متاثرہ ڈاکٹر نجی کلینک چلانے میں مصروف تھا جس پر وفاقی دارالحکومت کی میٹروپولیٹن کارپوریشن کے شعبہ ہیلتھ سروسز نے نوٹس لیا اور ڈاکٹر کے خلاف کارروائی کی۔

میٹروپولیٹن کارپوریشن شعبہ ہیلتھ سروسز کی افسر ڈاکٹر حسن عروج نے بتایا کہ اسلام آباد کی ستارہ مارکیٹ میں واقع نجی کلینگ پر خفیہ اطلاع ملنے کے بعد چھاپہ مارا گیا۔

انہوں نے بتایا کہ کلینک میں بیٹھے والے شخص کی شناخت ڈاکٹر گل کے نام سے ہوئی جس کا خود کرونا کا ٹیسٹ مثبت آیا تھا،  کلینک میں صفائی کی صورت حال بھی خراب تھی۔

ڈاکٹر حسن کا کہنا تھا کہ کلینک کی انتظامیہ نے چھاپے کے دوران ہیلتھ سروسز کی ٹیم کے ساتھ بدتمیزی کی اور شدید مزاحمت بھی کی۔ نجی کلینک کوسیل کرکےقانونی کارروائی کا آغازکردیا گیا۔

ڈائریکٹر جنرل ہیلتھ سروسز نے بتایا کہ علاقہ مجسٹریٹ اور پولیس کی موجودگی میں کلینک پر چھاپہ مارا گیا اور پھر اُسے سیل کردیا گیا۔

fb-share-icon0
Tweet 20

Comments

comments

یہ بھی پڑھیں