The news is by your side.

Advertisement

اسلام آباد میں جوڑے پر تشدد: وزیراعظم کی ہر پہلو سے کیس کی تفتیش آگے بڑھانے کی ہدایت

اسلام آباد : وزیر اعظم عمران خان نے آئی جی اسلام آباد  کو ہر پہلو سے جوڑے پر تشدد  کیس کی  تفتیش  آگے بڑھانے کی ہدایت کردی۔

تفصیلات کے مطابق وزیر اعظم عمران خان سے آئی جی اسلام آباد قاضی جمیل الرحمان کی ملاقات ہوئی، جس میں آئی جی اسلام آباد نے گولڑہ میں جوڑے پر تشدد کیس پر وزیر اعظم کو بریفنگ دی۔

آئی جی اسلام آباد نے وزیراعظم کو کیس میں گرفتار ملزمان سے متعلق سمیت متاثرہ لڑکی اور لڑکے کے بیانات ،ملاقات کے حوالے سے تفصیلی طور پر آگاہ کیا۔

وزیر اعظم عمران خان نے آئی جی اسلام آباد کو ہر پہلو سے کیس کی تفتیش کو آگے بڑھانے کی ہدایت کردی۔

دوسری جانب سینیٹ کی قائمہ کمیٹی برائے داخلہ نے بھی معاملے پر نوٹس لے لیا ہے اور اس حوالے سے کمیٹی کی آئندہ میٹنگ میں بریفنگ طلب کرلی گئی ہے۔

یاد رہے اسلام آباد تشدد کیس میں ایس ایس پی انویسٹی گیشن نے بتایا کہ متاثرہ جوڑے نے شادی کرلی، شادی کی تصدیق بیانات ریکارڈ کرانے کے دوران ہوئی۔

گذشتہ روز اسلام آباد ای الیون لڑکا اور لڑکی کو برہنہ اور تشدد کیس وفاقی پولیس نے متاثرہ لڑکے اور لڑکی نے بیانات ریکارڈ کئے تھے، بیانات 161کے تحت بیانات ریکارڈ کئے گئے ہیں۔

پولیس نے بتایا کہ دونوں متاثرین کے بیانات کو تفتیش کا حصہ بنا دیا گیا، متاثرین مکمل تحفظ اور قانونی امداد کی یقین دہانی پر راضی ہوئے، کیس میں ملوث مزید افراد کی گرفتاری کی کوششیں جاری ہے۔

Comments

یہ بھی پڑھیں