site
stats
پاکستان

بیرسٹر فہد ملک کے قتل کا مقدمہ تھانہ شالیمار میں درج

اسلام آباد : گزشتہ شب قتل ہونے والے بیرسٹر فہد ملک کے قتل کا مقدمہ تھانہ شالیمار میں درج کرلیا گیا ہے جبکہ پولیس نے واقعہ کے زخمیوں کے بیانات بھی لے لئے ہیں۔

تفصیلات کے مطابق بیرسٹر فہد ملک کے قتل کا مقدمہ زخمی ملک طارق کی مدعیت میں تھانہ شالیمار میں درج کرلیا گیا ہے، پولیس کے مطابق مقدمے میں راجا ارشد اور نومی کھوکھر سمیت پانچ نامعلوم افراد کو نامزد کیا گیا ہے۔

ملزمان کے خلاف مقدمہ زیر دفعات 148،149، 302 اور 324 کے تحت درج کیا گیا، پولیس ذرائع کا کہنا ہے کہ واقعہ کا مرکزی ملزم راجا ارشد پراپرٹی کا کاروبار کرتا ہے۔


 مزید پڑھیں :  اسلام آباد میں دو مسلح گروپوں میں تصادم،سابق چئیرمین سینیٹ کا بھانجا فہد ملک جاں بحق


یاد رہے گزشتہ شب اسلام آباد کے علاقے ایف ٹین تھری میں دو گروپوں میں تصادم کے نتیجے میں سابق چیئرمین سینٹ محمد میاں سومرو کا بھانجا بیرسٹر فہد ملک جاں بحق ہوگیا تھا، مقتول مخالفین سے صلح کے بعد تھانے سے نکلے تھے۔

زرائع کے مطابق مقتول ملک فہد کا راجہ ارشد سے تنازعہ تھا، دونوں کے درمیان تھانہ شالیمار میں صلح ہوئی، باہرنکلے تو گولیاں چل گئیں، فہد ملک کو 4 گولیاں لگیں، جبڑےمیں لگنے والی گولی موت کا سبب بنی ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top