The news is by your side.

Advertisement

اسلام آباد میں فائرنگ سے بینک منیجر جاں بحق

اسلام آباد: وفاقی دارالحکومت اسلام آباد میں فائرنگ سے بینک منیجر جاں بحق ہوگیا۔

اے آر وائی نیوز کی رپورٹ کے مطابق اسلام آباد کے تھانہ کورال کی حدود میں دو نامعلوم موٹرسائیکل سواروں نے فائرنگ کرکے بینک منیجر سید رضا حسین کو قتل کردیا۔

پولیس کے مطابق مقتول گھر سے گلبرگ میں دفتر پہنچا تو 2 موٹر سائیکل سواروں نے فائرنگ کردی، مقتول کی لاش کو ضابطے کی کارروائی کے لیے اسپتال منتقل کردیا گیا۔

ٹارگٹ کلنگ کی سی سی ٹی وی فوٹیج منظر عام پر آگئی جس میں دیکھا جاسکتا ہے کہ بینک منیجر جیسے ہی دفتر کے قریب پہنچا تو موٹر سائیکل سوار ملزمان فائرنگ کردی۔

مقتول بینک منیجر سید رضا حسین موقع پر ہی جاں بحق ہوگیا، پولیس نے جائے وقوعہ سے شواہد اکٹھے کرکے تحقیقات کا آغاز کردیا ہے۔

ترجمان پولیس کا کہنا ہے کہ فرار ملزمان کی شناخت کرلی گئی ہے، جلد گرفتار کرلیا جائے گا۔

نمائندہ اے آر وائی نیوز کے مطابق پولیس کا کہنا ہے کہ واقعہ ٹارگٹ کلنگ ہے یا ڈکیتی مزاحمت پر قتل یہ تحقیقات کے بعد ہی پتا چل سکے گا بظاہر یہی لگتا ہے کہ بینک منیجر کو ٹارگٹ کرکے قتل کیا گیا ہے۔

آئی جی اسلام آباد نے واقعے کا نوٹس لیتے ہوئے ڈی آئی جی آپریشنزکی سربراہی میں دو تفتیشی ٹیمیں تشکیل دے دی ۔

Comments

یہ بھی پڑھیں