لاہور: پی ایس ایل کے پانچویں میچ میں اسلام آباد یونائیٹڈ نے شاندار کم بیک کرتے ہوئے ملتان سلطانز کو 8 وکٹوں سے شکست دے کر ایونٹ میں پہلی کامیابی حاصل کرلی۔
لاہور کے قذافی اسٹیڈیم میں کھیلے گئے میچ میں ملتان سلطانز کے 165 رنز کے جواب میں اسلام آباد یونائیٹڈ کے بلے بازوں نے جارحانہ انداز اپنایا اور مطلوبہ ہدف صرف دو وکٹوں کے نقصان پر حاصل کر لیا۔
Shahid Afridi was on the receiving end of another strike from the Kiwi opening batsman, before he dismissed him #HBLPSLV #TayyarHain #CricketForAll pic.twitter.com/CMtnVQBu59
— Cricingif (@_cricingif) February 22, 2020
ہدف کے تعاقب میں کولن منرو اور رونکی نے زبردست لاٹھی چارج کیا 92 رنز کا اوپننگ اسٹینڈ فراہم کرکے ٹیم کو جیت کی راہ پر گامزن کیا، منرو نے 32 گیندوں پر 50 رنز بنائے جس میں 4 دلکش چھکے اور 3 شاندار چوکے شامل تھے۔
اوپنر لوک رونکی نے 74 رنز کی شاندار اننگز کھیل کر ٹیم کی جیت میں کلیدی کردار ادا کیا تاہم وہ فتح کے قریب پہنچ کر کیچ آؤٹ ہوگئے، انہوں نے 2 چھکے اور 9 چوکے بھی لگائے جب کہ ملان 35 اور انگرم 1 اسکور کے ساتھ ناٹ آؤٹ رہے۔
Luke Ronchi is dismissed by Mohammad Ilyas after an excellent innings. Islamabad United need two runs to win#HBLPSLV #TayyarHain #CricketForAll pic.twitter.com/wcNMCKOZqE
— Cricingif (@_cricingif) February 22, 2020
سلطانز کے بولر کوئی خاطر خواہ کارکردگی نہ دکھا سکے، شاہد آفریدی اور محمد الیاس نے ایک ایک وکٹ حاصل کی۔
اس سے قبل اسلام آباد یونائیٹڈ کے کپتان شاداب خان نے ٹاس جیتا اور نمی کا فائدہ اٹھانے کے لیے فیلڈنگ کرنے کو ترجیح دی.اوپنر شان مسعود اور ونسے نے محتاط انداز میں بیٹنگ کرتے ہوئے 41 رنز جوڑے، پہلی وکٹ گرنے کے بعد بیٹنگ لائن سنبھل نہ سکی اور وقفے وقفے سے وکٹیں گرتی رہیں.
FOUR! 17.6 – M Musa to Z Ashraf
Watch ball by ball highlights at:https://t.co/4SQnhWycp6#HBLPSLV #TayyarHain #IUvMS@_cricingif pic.twitter.com/jQogRzSSsQ
— Multan Sultans (@MultanSultans) February 22, 2020
مڈل آرڈر بیٹسمین ذیشان اشرف نے ڈٹ کا مقابلہ کیا اور شاندار بیٹنگ کرتے ہوئے نصف سنچری اسکور کر کے ٹیم کو مکمل تباہی سے بچایا، ذیشان اشرف کے 50 رنز کی بدولت سلطانز کی ٹیم مقررہ اوورز میں 8 وکٹوں پر 164 کرنے میں کامیاب رہی.
اسلام آباد یونائیٹڈ کی جانب سے عماد بٹ نے سب سے زیادہ 4 کھلاڑیوں کو آؤٹ کیا جب کہ فہیم اشرف نے 2، عاکف جاوید اور محمد موسیٰ نے ایک ایک وکٹ حاصل کی.
ٹاس کے موقع پر شاداب خان کا کہنا تھا کہ پچ میں نمی ہے جس کا بھرپور فائدہ اٹھانے کی کوشش کریں گے،ہمیں تینوں شعبوں میں بہتری کی ضرورت ہے، کوشش کریں گےاچھی کارکردگی دکھائیں۔
All set for our second match today? @IsbUnited take on @MultanSultans today in Lahore. Multan will be batting first after Islamabad won the toss. Who do you think will win? #IUvMS #HBLPSLV pic.twitter.com/GNcTtpNLP7
— PakistanSuperLeague (@thePSLt20) February 22, 2020
ملتان سلطانز کے کپتان شان مسعود نے کہا کہ میں بھی پہلےبولنگ کرناچاہتا تھا، کل ہم نےبہت اچھی فیلڈنگ اوربولنگ کی۔
