The news is by your side.

Advertisement

اسلام آباد ہیلتھ ریگولیٹری اتھارٹی کی جعلی اور غیر قانونی ہیلتھ سینٹر کو وارننگ

اسلام آباد : اسلام آباد ہیلتھ ریگولیٹری اتھارٹی نے جعلی اور غیرقانونی ہیلتھ سینٹرکو وارننگ جاری کرتے ہوئے 30جون تک رجسٹرڈ ہونے کی ہدایت کردی۔

تفصیلات کے مطابق اسلام آبادہیلتھ ریگولیٹری اتھارٹی نے شہرمیں بڑےکریک ڈاؤن کا فیصلہ کرلیا، اس حوالے سے ترجمان نے کہا ہے کہ اسلام آباد ہیلتھ کیئر اتھارٹی نے جعلی اور غیرقانونی ہیلتھ سینٹرکو وارننگ جاری کردی ہے۔

ترجمان اسلام آباد ہیلتھ اتھارٹی کا کہنا ہے کہ غیرقانونی ہیلتھ پریکٹشنرز مراکز فوری بند کر دیں، طبی مراکز کی رجسٹریشن کیلئے 30 جون کی تاریخ مقرر ہے، حکیم، جنرل پریکٹشنرز، ہومیو پیتھ 30جون تک رجسٹرڈہوں۔

آئی ایچ آر اے کے ترجمان نے کہا کہ میٹرنٹی ہومز، لیبارٹریز، ڈینٹل کلینکس ، نیوٹریشنسٹ، فزیوتھراپسٹ اور بحالی مراکز 30 جون تک رجسٹرڈ ہوں، ڈیڈ لائن کے بعد رجسٹریشن نہ کرانے والے طبی مراکز کے خلاف کارروائی ہو گی۔

یاد رہے رواں سال جنوری میں ملک بھر میں غیرمعیاری اور جعلی ادویات کی بھرمار کا انکشاف ہونے کے بعد ڈرگ ریگولیٹری اتھارٹی نے 12 غیر معیاری ادویات کی رجسٹریشن منسوخ کردی تھی۔

Comments

یہ بھی پڑھیں