اسلام آباد کے انٹرنیشنل ایئرپورٹ میں داخل ہونے والی گاڑی سے کلاشنکوف برآمد ہوئی ہے۔
ایئرپورٹ سیکیورٹی فورس کے ترجمان کی جانب سے جاری اعلامیے کے مطابق نیو اسلام آباد انٹرنیشنل ائیر پورٹ پر اے ایس ایف نے کارروائی کی جس میں اسلحہ برآمد کیا گیا۔
ترجمان کے مطابق اے ایس ایف اہلکار نے ائیر پورٹ کے داخلی دروازے پر چیکنگ کے دوران گاڑی سے اسلحہ برآمد کیا۔اے ایس ایف کے مطابق گاڑی سے 222 گن، ایک میگزین اور 10 گولیاں برآمد کی گئیں ہیں۔
اے ایس ایف اہلکار کو گاڑی ڈرائیور نے بتایا کہ اسلحہ غیر لائسنس شدہ ہے۔
ترجمان کے مطابق اے ایس ایف نے ابتدائی پوچھ گچھ کے بعد مزید قانونی کارروائی کے لیے ملزم ضمیر خان کو پولیس کے حوالے کردیا۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں