تحریک انصاف نے میئر اسلام آباد کے لیے اپنے امیدوار کا اعلان کر دیا ہے۔
تفصیلات کے مطابق ملک ساجد محمود کو تحریک انصاف کی جانب سے میئر اسلام آباد کے انتخاب کیلئے نامزد کیا گیا ہے۔
ملک ساجد محمود کو پاکستان تحریک انصاف کا ٹکٹ جاری کر دیا گیا ہے۔ پارٹی ٹکٹ چیف آرگنائزر سیف اللہ خان نیازی کی جانب سے جاری کیا گیا۔
پاکستان تحریک انصاف نےملک ساجد محمود کو میئر اسلام آباد کے انتخاب کیلئے بطور امیدوار نامزد کردیا ہے۔ چیف آرگنائزر سیف اللہ خان نیازی، مرکزی سیکرٹری جنرل عامر محمود کیانی اور صدر اسلام آباد فرید رحمان کی جانب سے ملک ساجد محمود کونامزدگی پر مبارکباد اور انکےلئےنیک خواہشات کا اظہار۔ pic.twitter.com/o4yDnWpMG5
— PTI Central Media Department (@pticmdofficial) December 21, 2020
میئراسلام آباد شیخ انصر عزیز کے مستعفی ہونے پر خالی نشست پر الیکشن کمیشن نے این سی او سی سے مشاورت کے بعد انتخاب کرانے کا فیصلہ کیا ہے۔
انتخاب کے لیے الیکشن کمیشن نے شیڈول تیار کرنے کی ہدایت کر دی ہے دفتر کو جلد از جلد حسبِ ضابطہ شیڈول جاری کرنے کا کہا گیا ہے۔
