The news is by your side.

Advertisement

ڈی چوک اور ریڈ زون میں سیاسی جماعتوں کے جلسے روکنے کے لیے درخواست دائر

اسلام آباد : ریڈزون میں سیاسی جماعتوں کو جلسے سے روکنے کے لئے درخواست دائر کردی گئی ، جس میں استدعا کی گئی کہ عدالت ریڈ زون میں احتجاج پر پابندی عائد کرے۔

تفصیلات کے مطابق اسلام آباد ہائی کورٹ میں ڈی چوک اور ریڈ زون میں سیاسی جماعتوں کے جلسے روکنے کے لیے درخواست دائر کردی گئی ، درخواست ایڈووکیٹ محمد آصف گجر کی جانب سے دائر کی گئی۔

درخواست میں سیکرٹری اسٹبلشمنٹ ڈویژن،سیکرٹری وزارت داخلہ،چیف کمشنر،ڈی سی اور آئی جی اسلام آباد کو فریق بنایا گیا ہے۔

درخواست میں کہا گیا کہ فریقین کو ریڈزون اور ڈی چوک کی سڑکیں بلاک کرنے سے روکا جائے، اسی عدالت نے سیاسی جماعتوں کو پریڈ گراونڈ میں احتجاج اور جلسوں کی اجازت دے رکھی ہے۔

دائر درخواست میں کہا ہے کہ لاہور ہائیکورٹ نے مال روڈ پر احتجاج سے منع کیا ہے ۔ ریڈ زون میں کسی قسم کا احتجاج نہیں کیا جاسکتا، ڈی چوک پر احتجاج سے وکلا سپریم کورٹ نہیں جاسکتے۔

درخواست میں کہا گیا کہ ڈی چوک بھی ریڈ زون میں واقع ہے۔ ڈی چوک بند ہونے سے ایکسیس ٹو جسٹس سسٹم میں مسئلہ ہوتا ہے، عدالت ریڈ زون میں احتجاج پر پابندی عائد کرے۔

درخواست گزار نے استدعا کی فریقین عدالت عالیہ کے حکم پر عملدرآمد کروائیں۔

Comments

یہ بھی پڑھیں