site
stats
پاکستان

اسلام آباد : سفارت کار خاتون کے گھر پر چھاپہ، تین کروڑ روپے کی شراب برآمد

اسلام آباد: پولیس نے فلپائنی سفارت خانے کی ایک خاتون کے گھر پر چھاپہ مار کر تین کروڑ روپے مالیت کی غیر ملکی شراب برآمد کرلی، پولیس نے گھر میں موجود تین پاکستانی ملازمین کو گرفتار کرلیا خاتون تاحال آزاد ہے۔


اے آر وائی نیوز کے نمائندے ذوالقرنین حیدر نے بتایا کہ ایس پی صدر زون ذیشان حیدر ، اے سی صدر علی اصغر اور اے سی شعیب علی نے خفیہ اطلاع ملنے پرمشترکہ طور پر کارروائی کرتے ہوئے اسلام آباد ایف الیون فور کے ایک گھر پر چھاپہ مارا جہاں سے تین کروڑ روپے مالیت کی غیر ملکی شراب کے 57 ہزار کین برآمد کرلیے۔

پولیس کے مطابق یہ شراب پورے اسلام آباد میں سپلائی ہونی تھی، وہاں پر فلپائنی سفارت خانے کی ایک خاتون اور گھر کے تین ملازمین موجود تھے۔

رپورٹر کے مطابق تینوں ملازمین کو گرفتار کرلیا گیا ہے تاہم خاتون کو سفارت خانے سے تعلق ہونے کے سبب گرفتارنہیں کیا گیا تاہم فلپائن کے سفارت خانے سے رابطہ کیا گیا ہے۔

اطلاعات کے مطابق گھر کے اندر فلپائنی سفارت خانے کی نمبر پلیٹ والی گاڑی بھی موجود ہے،پولیس کا کہنا ہے کہ ایک عرصے سے اس گھر سے شراب اور بئیر سپلائی ہورہی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top