اسلام آباد میں پولیس اہلکاروں پر تشدد کا الزام لگانے والی غیرملکی خاتون نے معذرت کرلی ہے۔
غیرملکی خاتون نے کہا کہ غلط فہمی کی بنیاد پر ویڈیو سوشل میڈیا پر شیئر کی جس پر معذرت چاہتی ہوں، اسلام آباد پولیس بہت اچھی ہے۔
انہوں نے کہا کہ میرا مسئلہ رہائشگاہ کے مالک کے ساتھ تھا، تمام مسئلہ شاید زبان نہ سمجھنے کے باعث ہوا۔
غیرملکی خاتون نے کہا کہ پولیس اور لیڈی پولیس کا شکریہ ادا کرتی ہوں۔
اس سے قبل غیرملکی خاتون کے شور، پولیس پر الزامات اور مبینہ تشدد کا نشانہ بنانے کی ویڈیو سامنے آئی تھی۔
غیرملکی خاتون نے الزام لگایا تھا کہ خواتین پولیس اہلکاروں نے تھانہ کوہسار میں تشدد کا نشانہ بنایا ہے۔
ذرائع کا کہنا تھا کہ غیرملکی خاتون نے لین دین معاملے پر پولیس کو خود سیکٹر ایف سکس بلایا تھا، پولیس نے داد رسی کے بجائے مبینہ طور پر تشدد کا نشانہ بنایا۔
بعدازاں سوشل میڈیا پر زیر گردش ویڈیو پر ایس ایس پی آپریشنز نے نوٹس لیا تھا اور ایس ڈی پی او کوہار کو انکوائری کی ہدایت کی۔
