The news is by your side.

Advertisement

دھرنے سے نمٹنے کی حکمت عملی، وزیر داخلہ نے اجلاس طلب کرلیا

اسلام آباد: حکومت نے پی ٹی آئی کے دھرنے سے نمٹنے کے لیے تیاریاں تیز کردیں، وزیر داخلہ نےحکمت عملی کو حتمی شکل دینے کے لیے جڑواں شہروں کے پولیس افسران کا اجلاس طلب کرلیا۔

تفصیلات کے مطابق دونومبرکو تحریک انصاف کی جانب سے اسلام آبادبندکرنے کی تاریخ قریب آتے ہی انتطامیہ میں ہلچل دکھائی دے رہی ہے، دھرنے سے نمٹنے کی حکمت عملی طے کرنے کے لئے وزیر داخلہ نے پولیس حکام کا اہم اجلاس طلب کیا۔

پڑھیں: عمران خان کے شریف برادران پر ایک بار پھر سنگین الزامات

 ذرائع کے مطابق راولپنڈی اسلام آباد پولیس کا مشترکہ اجلاس وزارت داخلہ میں ہوگا جس میں پولیس حکام اپنا اپنا سیکورٹی پلان پیش کرینگے، چوہدری نثار سیکورٹی پلان کو دیں گے حتمی شکل بھی دیں گے۔

مزید پڑھیں: جہاں روکیں وہیں بیٹھ جاؤ، عمران خان نے کارکنوں کو پلان بی دیدیا

گزشتہ روز وزیر داخلہ سے آئی جی اسلام آباد طارق مسعود یاسین اور دیگر حکام نے بھی ملاقات کی تھی اور پولیس کی جانب سے دھرنا کے شرکا کو روکنے کیلئے کنٹینرز میں مٹی بھرنے کی تجویز دی تھی۔

یہ بھی پڑھیں: مظاہرین کو روکا گیا تو بھرپور ردِ عمل دیا جائے گا، عمران خان

دوسری جانب تحریک انصاف کے چیئرمین نے حکومت کو خبردار کیا ہے کہ اگر مظاہرے میں شرکت کرنے والے افراد کی گرفتاری پا پھر تشدد کیا گیا تو بھرپور ردِعمل دیا جائے گا جو حکومت کی برداشت سے باہر ہوگا۔

اسے بھی پڑھیں:  سپریم کورٹ نے پی ٹی آئی کا دھرنا روکنے کیخلاف درخواست مسترد کردی

 چیئرمین تحریک انصاف نے کارکنان کو ہدایت کی ہے کہ 2 نومبر کو جس مقام پر رکاوٹیں کھڑی کی جائیں وہی بیٹھ کر دھرنے کا افتتاح کردیا جائے۔

Comments

comments

یہ بھی پڑھیں