The news is by your side.

Advertisement

پاکستان میں کورونا کی نئی لہر کا عندیہ، وفاقی دارلحکومت میں بھی اومیکرون کا پھیلاؤ تیز

اسلام آباد : وفاقی دارلحکومت میں اومی کرون کے 34 نئےکیسز سامنے آگئے ، ڈی ایچ او اسلام آباد کا کہنا ہے کہ کیسزمیں تیزی سے اضافہ کورونا کی نئی لہر کا عندیہ ہے۔

تفصیلات کے مطابق وفاقی دارالحکومت میں اومی کورون ویرینٹ کا پھیلاؤ جاری ہے ، ڈی ایچ او اسلام آباد ڈاکٹرزعیم نے کورونا صورتحال کے حوالے سے بتایا ہے کہ 24 گھنٹےمیں اومی کرون کے 34نئےکیسز رپورٹ ہوئے ، جس کے بعد اب تک 175اومی کرون کیسزسامنے آچکے ہیں۔.

ڈی ایچ او اسلام آباد کا کہنا تھا کہ 24 گھنٹے میں کورونا کے109 کیسزسامنے آئے ہیں، کیسزمیں تیزی سے اضافہ کورونا کی نئی لہر کا عندیہ ہے، ٹیمیں کونٹیکٹ ٹریسنگ اورٹیسٹنگ کر رہی ہیں۔

ڈاکٹرزعیم نے مزید کہا کہ وباسےبچاو کا حل ویکسی نیشن، ایس او پیزپرعملدرآمد ہے۔

خیال رہے پاکستان میں کورونا کیسز میں مسلسل بڑھ رہے ہیں ، ملک میں کورونا کیسز کی مجموعی شرح ڈھائی فیصد سے زائد ہوگئی ہے۔

این سی اوسی کے مطابق چوبیس گھنٹے کے دوران اکیاون ہزار ایک سو پینتالیس افراد کے کورونا ٹیسٹ کیے گئے جن میں ایک ہزار دوسو تیرانوے مثبت نکلے جبکہ لاہورمیں ایک دن میں اومی کرون کے اکتیس نئے مریضوں کی تصدیق ہوئی ہے۔

Comments

یہ بھی پڑھیں