The news is by your side.

Advertisement

وفاقی دارالحکومت میں دفعہ 144 کا نفاذ، میٹرو سروس بھی بند

اسلام آباد کی ضلعی انتظامیہ نے امن و امان کی ممکنہ خراب صورت حال کے پیش نظر اہم فیصلے کرلئے ہیں۔

تفصیلات کے مطابق وفاقی داراحکومت میں فوری طور پر دفعہ 144 نافذ کردی گئی ہے اور ریڈ زون میں دو یا اس سے زائد افراد کے جمع ہونے پر پابندی عائد کردی ہے، ضلعی انتظامیہ کی جانب سے نوٹی فیکیشن بھی جاری کردیا گیا ہے۔

ضلعی انتظامیہ کے مطابق اسلام آباد میں 2 روز کے لئےموٹر سائیکل کی ڈبل سواری پر پابندی عائد کردی گئی ہے، پابندی کا اطلاق آج رات 12 بجے سے ہو گا، جس کا نوٹی فیکیشن بھی جاری کردیا گیا ہے۔

نوٹی فیکیشن کے مطابق میٹرو سروس کو بھی فوری طور پر بند کردیا گیا ہے، فیصلہ امن او امان کی صورتحال ممکنہ طو رپر خراب ہونے کے خدشے کے پیش نظر کیا گیا ہے۔

پولیس حکام کا کہنا ہے کہ ریڈ زون میں فول پروف سیکیورٹی کے حوالے سے  ووٹنگ والے دن کسی کو بھی ریڈ زون میں احتجاج کی اجازت نہیں ہوگی اور نہ کسی کو داخلے کی اجازت دی جائے گی۔

پولیس حکام کے مطابق ریڈ زون داخلہ کے لئے صرف مارگلہ روڈ کا راستہ استعمال کیا جا سکے گا جبکہ ریڈ زون جانے والے تمام راستوں پر کنٹینرز نصب کئے جائیں گے۔

حکام نے بتایا ہے کہ اتوار کو راولپنڈی سے سیاسی جماعتوں کی ریلیوں کو بھی اسلام آباد نہیں جانے دیا جائے گا اور اس دن دو مختلف شفٹوں میں مجموعی طور پر 8 ہزار اہلکار سیکورٹی ڈیوٹی پر تعینات ہونگے۔

یہ بھی پڑھیں: سیاسی صورت حال: ڈی چوک پر کیا ہونے جارہا ہے؟

سیکیورٹی کے لئے تین ہزار اہلکار پنجاب پولیس، ایک ہزار ایف سی پہلے سے اسلام آباد میں موجود ہیں جبکہ سیکیورٹی انتظامات میں رینجرز کی معاونت بھی حاصل کی جائے گی۔

خیال رہے کہ پولیس نے پارلیمنٹ لاجز میں آج سے آنے والے وزٹرز کا ڈیٹا بھی حاصل کرلیا ہے جبکہ اراکین اسمبلی کے ساتھ غیر ضروری افراد کو لانے سے روکنے کے لئے اسپیکر اسمبلی سے گذارش کی جائے گی۔

Comments

یہ بھی پڑھیں