The news is by your side.

Advertisement

اسلام آباد سیکیورٹی ڈائیلاگ کی تاریخوں کا اعلان ہوگیا

اسلام آباد: قومی سلامتی ڈویژن سترہ مارچ سے سیکیورٹی ڈائیلاگ کا انعقاد کرے گا، افتتاح وزیر اعظم عمران خان کریں گے، دوسرے روز آرمی چیف جنرل قمر جاوید باجوہ مہمان خصوصی ہوں گے۔

حکومت نے اپنی نئی جامع سیکیورٹی پر مبنی اسٹریٹجک سمت متعارف کرانے کے لئے سیکیورٹی ڈائیلاگ کے انعقاد کا فیصلہ کیا ہے، اسی سلسلے میں قومی سلامتی ڈویژن سترہ مارچ سے وفاقی دارالحکومت میں سیکیورٹی ڈائیلاگ کا انعقاد کرےگا۔

وزیراعظم عمران خان اسلام آباد سیکیورٹی ڈائیلاگ کا افتتاح کریں گے جبکہ کانفرنس کے دوسرے روز آرمی چیف جنرل قمرجاوید باجوہ مہمان خصوصی ہوں گے۔

ڈائیلاگ قومی سلامتی کے مشاورتی بورڈ کے تعاون سے کیا جارہا ہے جس میں موجودہ اور سابق عہدیدران سمیت عالمی پالیسی کےماہرین شرکت کریں گے، جس میں قومی سلامتی کے اہم امور پر بحث کی جائےگی۔

ڈائیلاگ میں وفاقی وزرا کے علاوہ اکیڈمیاں اور میڈیا کے ممبران بھی شرکت کریں گے ،وزیر اعظم قومی سلامتی ڈویژن کے مشاورتی پورٹل کو بھی لانچ کریں گے۔

Comments

یہ بھی پڑھیں