site
stats
پاکستان

پشاوراورمردان میں دہشتگردی کے واقعات ، اسلام آباد میں سیکیورٹی ہائی الرٹ

اسلام آباد : پشاور اور مردان میں دہشتگردی کے واقعات کے بعد وفاقی دارالحکومت اسلام آباد میں سیکیورٹی ہائی الرٹ کردی گئی ہے۔

تفصیلات کے مطابق علی الصبح پشاور اور مردان میں دہشت گردوں کے حملوں کے بعد وفاقی دارالحکومت اسلام آباد میں سیکیورٹی ہائی الرٹ کردی گئی ہے، افسران کو علاقوں میں گشت کرنے کا حکم دیا گیا ہے جبکہ داخلی اورخارجی راستوں پرسخت چیکنگ کے احکامات بھی جاری کردیئے گئے ہیں۔

سیکیورٹی اہلکاروں کو کسی بھی ناخوشگوار واقعے سے نمٹنے کیلئے ہمہ وقت تیار رہنے کی ہدایت کرتے ہوئے تمام اہم عمارات، مارکیٹس، تعلیمی اداروں، میڈیا ہاؤسز اور دیگر پبلک مقامات پر بھی سیکیورٹی بڑھادی گئی ہے۔

دوسری جانب سہالہ بازار اور پٹھان کالونی میں پولیس نے سرچ آپریشن کرکے ساٹھ مشتبہ افراد کو حراست میں لے لیا ہے، ایس ایس پی ساجد کیان کے مطابق آپریشن کے دوران پینتیس مکانات اور گھروں کو سرچ کرکے گرفتاریاں کی گئیں۔


 مزید پڑھیں : کرسچن کالونی میں دہشت گردوں کا حملہ ناکام،4دہشت گرد ہلاک


یاد رہے کہ پہلا واقعہ صوبہ خیبر پختونخوا کے شہر پشاور میں پیش آیا، جہاں ورسک روڈ پر واقع کرسچن کالونی پر دہشت گردوں نے حملے کردیا، جسے سیکیورٹی فورسز نے بروقت کارروائی کرتے ہوئے ناکام بنا دیا اور چار دہشت گردوں کو ہلاک کردیا‌۔


 مزید پڑھیں : مردان میں خودکش دھماکہ،7افراد جاں بحق


دوسرا واقعہ صوبہ خیبر پختو نخواہ کے شہر مرادن میں پیش آیا، جہاں مرادن میں ضلع کچہری گیٹ کے قریب خودکش حملہ آور نے خود کودھماکے سے اڑادیا، دھماکے کے نتیجے میں اب تک سات افراد جاں بحق جبکہ پچاس سے زائد زخمی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top