The news is by your side.

Advertisement

اسلام آباد دنیا کے ترقی یافتہ شہروں میں شامل

اسلام آباد : گرین چارٹر پر دستخط کرنے کے بعد اسلام آباد پاکستان کا پہلا شہر ہے ، جو دنیا کے ترقی یافتہ شہروں میں شامل ہوگیا ہے۔

اسلام آباد میں گرین چارٹر کے نام سے تقریب منعقدہ ہوئی، جس کا انعقاد اسلام آباد کے مئیر شیخ انصر عزیز اور سی ڈی اے کے زیر اہتمام سے کیا گیا، جس میں وزیراعظم کے گرین پاکستان پروگرام کے تحت چارٹر پر دستخط کے بعد اسلام آباد گرین سٹی پلان ایکشن کا آغاز کیا۔

وفاقی وزیر ماحولیات زاہد حامد نے تقریب کے شرکاء سے خطاب کرتے ہوئے کہا کہ ماحولیاتی ثقافت کو اجاگر کرکے کسی بھی شہر کے سبز مستقبل کو محفوظ کیا جاسکتا ہے۔

ان کا کہنا تھا کہ اسلام آباد میں بلدیاتی الیکشن کا انعقاد ایک بڑی کامیابی ہے، جس سے شہر کو ایک جمہوری منتخب شدہ نمائندے مہیا کئے گئے ہیں جواپنی ذمہ داریوں سے بخوبی آگاہ ہیں۔

اس موقع پر اسلام آباد کے میئر شیخ انصر عزیز نے کہا کہ اسلام آباد کو سر سبز بنانے کا عہد کیا ہے، وزیراعظم کے گرین پاکستان کے وژن پر عمل کرتے ہوئے اسلام آباد کو دنیا کا صف اول کا شہر بنائیں گے۔ تقریب میں مختلف شعبہ زندگی سے تعلق رکھنے والے افراد نے شرکت کی۔

اسلام آباد پاکستان کا پہلا شہر ہے ، جو اس چارٹر میں شامل ہوگیا ہے، اس پروگرام کے تحت سات سال کے عرصے میں شہر کی توانائی کی ضروریات کو پورا کرنے کیلئے مناسب انتظامات اور اقدامات کئے جائیں گے۔

Comments

comments

یہ بھی پڑھیں