کراچی: پی ایس ایل 7 کے دسویں میچ میں اسلام آْباد یونائیٹڈ نے کوئٹہ گلیڈی ایٹرز کو 43 رنز سے شکست دے دی۔
تفصیلات کے مطابق کراچی کے نیشنل اسٹیڈیم میں کھیلے گئے میچ میں اسلام آباد یونائیٹڈ کی جانب سے دیے جانے والے 230 رنز کے تعاقب میں کوئٹہ گلیڈی ایٹرز کی ٹیم 19.3 اوورز میں 186 رنز پر ڈھیر ہوگئی۔
GONE! Top effort, @mnawaz94 👏🏼 #HBLPSL7 I #LevelHai l #QGvIU pic.twitter.com/oW2vyVuSE6
— PakistanSuperLeague (@thePSLt20) February 3, 2022
احسان علی کی نصف سنچری بھی کوئٹہ گلیڈٰی ایٹرز کو شکست سے نہ بچاسکی، جیمز ونس بغیر کوئی رن بنائے پویلین لوٹ گئے، عبدالبنگل زئی 14 رنز بنا کر حسن علی کا نشانہ بنے۔
کپتان سرفراز احمد 11 رنز بنا کر شاداب خان کو وکٹ دے بیٹھے، بین ڈکٹ کو بھی شاداب خان نے 11 رنز پر بولڈ کیا، افتخار احمد 6 رنز بنا کر چلتے بنے۔
Shaddy completes his 5-fer with @SAfridiOfficial’s wicket! Take a bow, lad! #HBLPSL7 l #LevelHai l #QGvIU pic.twitter.com/CiNo52NDRy
— PakistanSuperLeague (@thePSLt20) February 3, 2022
محمد نواز 47 رنز کے ساتھ نمایاں رہے، شاہد خان آفریدی 4 رنز بنا کر آؤٹ ہوئے، سہیل تنویر بغیر کوئی رن بنائے پویلین لوٹ گئے، جیمز فالکنر 30 رنز کے ساتھ ناٹ آؤٹ رہے۔
Cherry on top! 🙌🏼
Yehi to @Wasim_Jnr ki baatain hain! #HBLPSL7 l #LevelHai l #QGvIU pic.twitter.com/Vg3vhu6XTa— PakistanSuperLeague (@thePSLt20) February 3, 2022
اسلام آباد یونائیٹڈ کے کپتان شاداب خان نے 5 کھلاڑیوں کو پویلین کی راہ دکھائی، حسن علی اور وسیم جونیئر نے دو، دو وکٹیں حاصل کیں، وقاص مقصود نے ایک وکٹ حاصل کی۔
Catches win matches! 🙌🏼 #HBLPSL7 l #LevelHai l #QGvIU pic.twitter.com/jaZB1W58Fy
— PakistanSuperLeague (@thePSLt20) February 3, 2022
قبل ازیں اسلام آباد یونائیٹڈ نے مقررہ اوورز میں 4 وکٹوں کے نقصان پر 229 رنز بنائے تھے اور کوئٹہ گلیڈی ایٹرز کو جیت کے لیے 230 رنز کا ہدف دیا تھا۔
🚀#HBLPSL7 l #LevelHai l #QGvIU pic.twitter.com/NvHZ9VlmWz
— PakistanSuperLeague (@thePSLt20) February 3, 2022
اسلام آباد کے اوپنرز پال اسٹرلنگ اور الیکس ہیلز شروع سے ہی کوئٹہ گلیڈی ایٹرز پر حاوی رہے اور ابتدائی چار اوورز میں نصف سنچری اسکور کی، یونائیٹڈ کی پہلی وکٹ 55 رنز پر گری جب الیکس ہیلز 22 رنز بنا کر آؤٹ ہوئے۔
دوسرے اینڈ سے پال اسٹرلنگ نے دھواں دار اننگز کا سلسلہ جاری رکھا، اسٹرلنگ نے 28 گیندوں پر 58 رنز کی اننگز کھیلی۔
Boom 💥 #HBLPSL7 l #LevelHai l #QGvIU pic.twitter.com/pXoFPpJ1ou
— PakistanSuperLeague (@thePSLt20) February 3, 2022
کولن منرو نے 71 رنز کی جارحانہ اننگز کھیلی، ان کی اننگز میں 5 چھکے اور تین چوکے شامل تھے، اعظم خان 65 رنز بنا کر شاہد آفریدی کا نشانہ بنے۔
Here’s the big shot! 50 for Azam! #HBLPSL7 l #LevelHai l #QGvIU pic.twitter.com/9tM9saY4OJ
— PakistanSuperLeague (@thePSLt20) February 3, 2022
کوئٹہ گلیڈی ایٹرز کے شاہد آفریدی سب سے مہنگے بولر ثابت ہوئے، آفریدی نے چار اوورز میں 67 رنز دے کر ایک وکٹ حاصل کی۔محمد نواز نے دو وکٹیں حاصل کیں جبکہ جیمز فالکنر ایک وکٹ حاصل کرسکے۔
اس سے قبل کوئٹہ گلیڈی ایٹرز کے کپتان سرفراز احمد نے ٹاس جیت کر شاداب خان الیون کو پہلے بیٹنگ کی دعوت دی تھی۔
کوئٹہ گلیڈی ایٹرز کی ٹیم میں شاہد آفریدی، جیمز ونس اور عبدالبنگل زئی کو شامل کیا گیا تھا۔
اسلام آباد یونائیٹڈ نے ایک تبدیلی کرتے ہوئے کولن منرو کو اسکواڈ میں شامل کیا تھا۔
Sarfaraz has won the toss and @TeamQuetta put @IsbUnited to bat first. Koi predictions hain aaj kay liye? #HBLPSL7 l #LevelHai l #QGvIU pic.twitter.com/aGitqxAMVo
— PakistanSuperLeague (@thePSLt20) February 3, 2022
واضح رہے کہ ایونٹ میں اسلام آباد یونائیٹڈ اپنے دو میچز کھیل چکی ہے جس میں اسے ایک میں فتح جبکہ ایک میں شکست کا سامنا کرنا پڑا۔
کوئٹہ گلیڈی ایٹرز آج اپنا چوتھا میچ کھیل رہی ہے، اس سے قبل کھیلے گئے 3 میچوں میں سے کوئٹہ کو صرف ایک میں فتح نصیب ہوئی ہے۔
پوائنٹس ٹیبل پر اسلام آباد یونائیٹڈ تیسرے اور کوئٹہ گلیڈی ایٹرز چوتھے نمبر پر برا جمان ہے۔